Garvita Odia
ଭୁବନେଶ୍ୱର: ବିଜେଡି ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମୁହଁରେ ‘ବିଶ୍ୱାସଘାତକ’ ଶବ୍ଦ । ବିଜୁ ବାବୁଙ୍କ ଶ୍ରାଦ୍ଧ ଉତ୍ସବରେ ନବୀନ ପଟ୍ଟନାୟକ ‘ବିଶ୍ୱାସଘାତକ’ କହି ପରୋକ୍ଷରେ ଟାର୍ଗେଟ କରିଛନ୍ତି ।
ସେ କହିଛନ୍ତି ଯେ ରାଜନୀତିରେ କିଛି ଲୋକ ସବୁବେଳେ ‘ବିଶ୍ୱାସଘାତକତା’ ଭୂମିକାରେ ଖୁସି ହୋଇଥାଆନ୍ତି । କୌଣସି ମୁଖା ଅଧିକ ଦିନ ଧରି ସେମାନଙ୍କ ପାପକୁ ଲୁଚାଇ ପାରିବନି । ଲୋକମାନେ ଜାଣନ୍ତି କିଏ କ’ଣ । ଓଡ଼ିଶା କ୍ରମାଗତଭାବେ କେନ୍ଦ୍ର ସରକାରଙ୍କ ଦ୍ୱାରା ଅବହେଳାର ଶିକାର ହୋଇଆସିଛି । ଡିଲିମିଟେସନ ବିଲ ରାଜନୈତିକ ପରିଚୟକୁ ନେଇ ଏକ ବଡ଼ ପ୍ରଶ୍ନ ସୃଷ୍ଟି କରିଛି । ଓଡ଼ିଆ ସ୍ୱାଭିମାନ ଆଜି ବିପଦରେ । ତେଣୁ ସମସ୍ତଙ୍କୁ ଏକାଠି ଲଢ଼ିବାକୁ ପଡ଼ିବ । ସଂଯୋଗବଶତଃ ବିଜୁ ବାବୁଙ୍କ ଶ୍ରାଦ୍ଧବାର୍ଷିକୀରେ ମହିଳା ସଂରକ୍ଷଣ ବିଲ ଆଲୋଚନା ହେଉଛି । ବିଜେଡି ମହିଳା ସଶକ୍ତୀକରଣରେ ଦୃଢ଼ଭାବେ ବିଶ୍ୱାସ କରେ । ମହିଳା ସଂରକ୍ଷଣ ବିଲ ପ୍ରତି ବିଜେଡି ସମର୍ଥନ ଜଣାଇବ ବୋଲି ନବୀନ କହିଛନ୍ତି । ତେବେ କିଏ ‘ବିଶ୍ୱାସଘାତକ’ ଓ କାହା ଉଦେ୍ଧଶ୍ୟରେ ନବୀନ କହିଲେ ତାହା ସ୍ପଷ୍ଟ ହୋଇପାରିନାହିଁ ।
