ଭୁବନେଶ୍ୱରରେ ଡ୍ରାଇଭରମାନଙ୍କ ସହିତ ପୁଲିସର ଧସ୍ତାଧସ୍ତି

ଭୁବନେଶ୍ବର: ତୃତୀୟ ଦିନରେ ଅଲ୍ ଓଡ଼ିଶା ଗିଗ୍ସ ୟୁନିଅନ ଷ୍ଟ୍ରାଇକ୍। ରାଜଧାନୀ ଭୁବନେଶ୍ୱରରେ ଅନଲାଇନ୍ ଅଟୋ ସଂଘର ତୀବ୍ର ଆନ୍ଦୋଳନ। ପ୍ରୋଟେଷ୍ଟ ବେଳେ ଓଲା, ଉବେର, ରାପିଡୋ, ଓଡ଼ିଶା ଯାତ୍ରୀ ଡ୍ରାଇଭରମାନଙ୍କ ସହିତ ପୁଲିସର ଧସ୍ତାଧସ୍ତି । ପୁଲିସ ଗାଡ଼ି ଏବଂ ଆମ ବସକୁ ଢେଲା ପଥର ମାଡ଼ କରିଛନ୍ତି ଅନଲାଇନ୍ ଡ୍ରାଇଭର । ଫଳରେ ସରକାରୀ ଗାଡ଼ି କ୍ଷତିଗ୍ରସ୍ତ ହୋଇଛି । ଅପରପକ୍ଷେ ହିଂସାତ୍ମକ ଆନ୍ଦୋଳନକୁ ନିୟନ୍ତ୍ରଣ କରିବାକୁ ଲୋୟର ପିଏମଜି ଅଞ୍ଚଳରେ ଲାଠିଚାର୍ଜ କରିଛି କମିଶନରେଟ୍ ପୁଲିସ । ଏହା ସହିତ ଡ୍ରାଇଭରଙ୍କ ଉପରକୁ ପାଣିମାଡ଼ି ହୋଇଛି । ହିଂସା ସୃଷ୍ଟି କରିଥିବା କିଛି ଡ୍ରାଇଭରଙ୍କୁ ପୁଲିସ ଅଟକ ରଖିଛି ।

୩୦ ଦଫା ଦାବି ନେଇ ଆନ୍ଦୋଳନକୁ ଓହ୍ଲାଇଛନ୍ତି ଅନଲାଇନ୍ ଅଟୋ ଚାଳକ । ଓଲା, ଉବର ସମେତ ପ୍ରାୟ ୨୦ଟି ଅଟୋ ସଂଗଠନ ଏହି ଆନ୍ଦୋଳନରେ ସାମିଲ ହୋଇଛନ୍ତି । ଅଟୋ ଚାଳକଙ୍କ ବିଭିନ୍ନ ସମସ୍ୟାର ସମାଧାନ, ଭଡ଼ା ଓ କମିଶନ୍ ସମ୍ବନ୍ଧୀୟ ଦାବି ସହ ଅନ୍ୟାନ୍ୟ ଦାବି ପୂରଣ ପାଇଁ ସଂଘ ପକ୍ଷରୁ ଦାବି ହେଇଛି । ଅଟୋ ଚଳାଚଳ ବନ୍ଦ ଥିବାରୁ ଗଡୁନି ଅଟୋ । ଫଳରେ ରାଜଧାନୀରେ ପ୍ରଭାବିତ ହୋଇଛି ଜନଜୀବନ । ବିଶେଷକରି ରେଳ ଷ୍ଟେସନ୍, ବିମାନବନ୍ଦର ଓ ଅନ୍ୟ ପ୍ରମୁଖ ସ୍ଥାନକୁ ଯିବା ପାଇଁ ଯାତ୍ରୀମାନେ ହନ୍ତସନ୍ତ ହେଉଛନ୍ତି ।