Garvita Odia
କୁଚିଣ୍ଡା : ଶୌଚ ହେବାକୁ ଯାଇଥିବା ବେଳେ ମହିଳାଙ୍କୁ ଗୋଡାଇ ଗୋଡାଇ ଦଳିଦେଲା ଦନ୍ତା । ମୃତ ମହିଳା ଜଣଙ୍କ ହେଲେ କୁଚିଣ୍ଡା ବନାଞ୍ଚଳ ସଇଡା ଗ୍ରାମର ଅଞ୍ଜଳି କୁସୁମ(୪୬ ବର୍ଷ) । ଗତକାଲି ଠାରୁ ଏକ ୬ ଟିକିଆ ହାତୀପଲ କୁଚିଣ୍ଡା ତଥା କୁଚିଣ୍ଡା ଆଖପାଖ ରେ ଆତଙ୍କ ସୃଷ୍ଟି କରିଥିବା ବେଳେ ବନବିଭାଗ ହାତୀ ଘଉଡ଼ାଇବାରେ ନାକେଦମ ହୋଇପଡ଼ିଥିଲା । ସନ୍ଧ୍ୟା ସମୟରେ ହାତୀ ପତ୍ରାପାଲି ଅଞ୍ଚଳରେ ରହିଥିବା ବେଳେ ଆଜି ଭୋରରୁ ଅଞ୍ଜଳି ଶୌଚ ହେବାକୁ ନଦୀକୁ ଯାଇଥିବା ବେଳେ ହାତୀ ଆକ୍ରମଣ କରିଥିଲା । ଘଟଣା ସ୍ଥଳରେ ପୁଲିସ ଓ ବନବିଭାଗ ପହଞ୍ଚି ତଦନ୍ତ ଜାରି ରଖିଛି ।
ସେପଟେ ହିନ୍ଦୋଳ ବନାଞ୍ଚଳରେ ପୁଣି ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ଜୟପଙ୍ଗା ଗାଁର ସ୍ଵପ୍ନେଶ୍ଵର ବିଶ୍ୱାଳଙ୍କୁ ଏକ ଦନ୍ତା ହାତୀ ମନ୍ଦିରରୁ ଘୋଷାଡ଼ି ଦଳି ଦେଇଛି । ସେ ସନ୍ଧ୍ୟା ସମୟରେ ମନ୍ଦିରକୁ ଯାଇଥିଲେ ବେଳେ ହାତୀ ତାଙ୍କୁ ଆକ୍ରମଣ କରିଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ବନ ବିଭାଗ ପହଞ୍ଚି ଶବକୁ ଉଦ୍ଧାର କରି ହିନ୍ଦୋଳ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଛି ।
