ଯୋଗାଣ ବିଭାଗ ଓ ଯୋଗାଣ ମନ୍ତ୍ରୀ ବାରମ୍ବାର ବିଭ୍ରାନ୍ତି କରୁଛନ୍ତି:ବିଜେଡି

ଭୁବନେଶ୍ବର: ମୃତ ବ୍ୟକ୍ତି ରାସନ କାର୍ଡ ହାତେଇବା ପ୍ରସଙ୍ଗରେ ମନ୍ତ୍ରୀଙ୍କ ଲିଖିତ ଉତ୍ତର ନେଇ ବିଜେଡିର ପ୍ରତିକ୍ରିୟା। ବିଜେଡି ବିଧାୟକ ଗୌତମ ବୁଦ୍ଧ ଦାସ କହିଛନ୍ତି ଯୋଗାଣ ବିଭାଗ ଓ ଯୋଗାଣ ମନ୍ତ୍ରୀ ବାରମ୍ବାର ବିଭ୍ରାନ୍ତି କରୁଛନ୍ତି। ପୂର୍ବରୁ ୨୫ ଲକ୍ଷ ମୃତ କାର୍ଡ ଅଛି ବୋଲି ମନ୍ତ୍ରୀ କହୁଥିଲେ ଏବେ କହୁଛନ୍ତି ୩ ଲକ୍ଷ। ରାସନ କାର୍ଡରେ ସାମିଲ ପ୍ରକ୍ରିୟା ଓ ବାଦ ଦେବା ପ୍ରକ୍ରିୟା ଅଛି। ମୃତ ବ୍ୟକ୍ତିଙ୍କ ସ୍ଥାନରେ ନୂଆ କାର୍ଡ ଦିଆଯାଏ। ବିଜେଡି ସରକାରରେ ବି ଏଭଳି ଅନେକ ମୃତ ବ୍ୟକ୍ତିଙ୍କୁ ବାଦ ଦିଆଯାଇ ନୂଆ କାର୍ଡ ଦିଆଯାଇଛି। କିନ୍ତୁ ନୂଆ ସରକାର E-KYC ନାଁରେ ଅବ୍ୟବସ୍ଥା କରୁଛନ୍ତି। ଯଦି E-KYC କରିବାର ଥିଲା ବିଭାଗ ପକ୍ଷରୁ ଆପ୍ଲିକେସନ ବ୍ୟବସ୍ଥା କରିବା ଆବଶ୍ୟକ ଥିଲା। ଏହା ନ କରି କେବଳ E-KYC କରିବା ଫଳରେ ବାହାରେ ରହୁଥିବା ଲୋକଙ୍କୁ ଅସୁବିଧାରେ ପକାଉଛନ୍ତି ସରକାର। ସରକାର ଯେଉଁ ବ୍ୟବସ୍ଥା କରୁଛନ୍ତି ଏହା ଦ୍ଵାରା ୨୫ ରୁ ୨୮ ଲକ୍ଷ ଯୋଗ୍ୟ ହିତାଧିକାରୀ କଟିଯିବେ। ଅଯୋଗ୍ୟ ନାଁରେ ଯୋଗ୍ୟ ନ କାଟନ୍ତୁ। ଇନକମ ଟ୍ୟାକ୍ସ ପେୟର କାଟନ୍ତୁ କିନ୍ତୁ ରିଟନ ଫାଇଲ କରୁଥିବା ଲୋକଙ୍କ କରାଗଲେ ଅନେକ ଯୋଗ୍ୟ ହିତାଧିକାରୀ ବାଦ ପଡ଼ିଯିବେ ବୋଲି କହିଛନ୍ତି ଗୌତମ ବୁଦ୍ଧ ଦାସ।