ୟୁପିଆଇରେ ଲାଗିବନି ଶୁଳ୍କ !

ନୂଆଦିଲ୍ଲୀ : ଆସନ୍ତା ୧୫ ତାରିଖରୁ ୟୁନିଫାଏଡ ପେମେଣ୍ଟ ଇଣ୍ଟରଫେସ (ୟୁପିଆଇ) ଉପରେ ଲାଗୁ ହେବାକୁ ଥିବା ୦.୦୪ ପ୍ରତିଶତ ଶୁଳ୍କ ଆଉ ଲାଗିବନି । ଆସନ୍ତା ବର୍ଷ ଜାନୁଆରୀ ୧ ରୁ ଏହି ନୂଆ ନିୟମ କାର୍ୟ୍ୟକାରୀ କରିବାକୁ ସରକାର ଚିନ୍ତା କରୁଥିବା ସୂଚନା ମିଳିଛି । ଅର୍ଥାତ୍‌ ୟୁପିଆଇ ଟ୍ରାଞ୍ଜାକ୍ସନ୍‌ ସମ୍ପୂର୍ଣ୍ଣ ମାଗଣା ରହିବ । ରିପୋର୍ଟ ଅନୁଯାୟୀ, ପାର୍ବଣ ଋତୁରେ ଦୋକାନୀମାନଙ୍କ ଉପରେ ଅତିରିକ୍ତ ବୋଝ ନ ପକାଇବା ପାଇଁ ସରକାର ୦.୪% ମର୍ଚ୍ଚାଣ୍ଟ ଶୁଳ୍କ ଲାଗୁ କରିବାର ସମୟକୁ ବଢ଼ାଇବାକୁ ଚିନ୍ତା କରୁଛନ୍ତି । ଆଗାମୀ କିଛି ଦିନ ମଧ୍ୟରେ ଏ ନେଇ ସରକାର ଆନୁଷ୍ଠାନିକ ଭାବେ ଘୋଷଣା କରିପାରନ୍ତି ।