Garvita Odia
ନୂଆଦିଲ୍ଲୀ: ଦିଲ୍ଲୀ ଅରୁଣ ଜେଟଲି ଷ୍ଟାଡିୟମରେ ଆଇପିଏଲ୍ ରୋମାଞ୍ଚକର ମୁକାବିଲା। ଦିଲ୍ଲୀ କ୍ୟାପିଟାଲସ୍ କୁ ୧ରନ୍ ରେ ହରାଇଲା ଗୁଜରାଟ ଟାଇଟାନ୍ସ। ଶେଷ ଓଭରରେ ବାଜି ମାରିନେଲା ଗିଲ୍ ବାହିନୀ। ୨୧୧ ରନ୍ ର ବିଜୟ ଲକ୍ଷ୍ୟ ନେଇ ବ୍ୟାଟିଂ କରିଥିବା ଦିଲ୍ଲୀ ୨୦ ଓଭରରେ ୮ଟି ୱିକେଟ୍ ହରାଇ ୨୦୯ ରନ୍ କରିପାରିଥିଲା। ଶେଷ ୨ଟି ଓଭର ରେ ଦିଲ୍ଲୀକୁ ୩୬ ରନ୍ ଦରକାର ଥିଲା।
ଦଳ ୧୯ତମ ଓଭରରୁ ୨୩ ରନ୍ ସଂଗ୍ରହ କରିଥିଲା ବେଳେ ଶେଷ ଓଭରରେ ଗୋଟିଏ ୱିକେଟ୍ ହରାଇ ୧୧ ରନ୍ କରିପାରିଥିଲା। ଶେଷ ବଲ୍ ରୁ ଗୋଟିଏ ରନ୍ ସଂଗ୍ରହ କରି ଦଳକୁ ସମାନ ସ୍ତରକୁ ଆଣିବା ପାଇଁ ଡେଭିଡ ମିଲର ଉଦ୍ୟମ କରିଥିଲେ। କିନ୍ତୁ ସେ ରନ ଆଉଟ୍ ହୋଇଥିଲେ। ଫଳରେ ଗୁଜରାଟ ବିଜୟୀ ହୋଇଥିଲା। କେଏଲ୍ ରାହୁଲ ଦିଲ୍ଲୀକୁ ବିଜୟ ଦେବା ପାଇଁ ବହୁ ଉଦ୍ୟମ କରିଥିଲେ।
ବିସ୍ଫୋରକ ବ୍ୟାଟିଂ କରି ଶତକର ନିକଟତର ହୋଇଥିଲେ। କିନ୍ତୁ ମହମଦ ସିରାଜଙ୍କୁ ଜୋସ ବଟଲର କ୍ୟାଚ୍ ଦେଇ ଆଉଟ୍ ହୋଇଥିଲେ। ସେ ବ୍ୟକ୍ତିଗତ ଭାବେ ୫୨ଟି ବଲ୍ ଖେଳି ୧୧ଟି ଚୌକା ଏବଂ ୪ଟି ଛକା ବଳରେ ୯୨ ରନ୍ ସଂଗ୍ରହ କରିଥିଲେ। ତେବେ ଚଳିତ ସିଜିନରେ ଏହା ଗୁଜରାଟର ପ୍ରଥମ ବିଜୟ ହାସଲ।
