Garvita Odia
କେନ୍ଦ୍ରାପଡା: ପଟ୍ଟାମୁଣ୍ଡାଇ ଅଞ୍ଚଳର କଲେଜ ଛାତ୍ରୀ ମୃତ୍ୟୁ ଘଟଣାର ଆସିଲା ବ୍ୟବଚ୍ଛେଦ ରିପୋର୍ଟ । ୯୫ ପ୍ରତିଶତ ଶରୀର ନିଆଁରେ ପୋଡ଼ି ହୋଇ ଯାଇଥିବାରୁ ଛାତ୍ରୀଙ୍କ ମୃତ୍ୟୁ ହୋଇଥିବା ସୂଚନା ଦେଇଛନ୍ତି କେନ୍ଦ୍ରାପଡା ଏସପି । ଏହି ଘଟଣାରେ ଜଣଙ୍କୁ ଗିରଫ ସହ କୋର୍ଟ ଚାଲାଣ କରି ତଦନ୍ତ ଜାରି ରଖିଥିବା ବେଳେ ଆଣ୍ଟି ମର୍ଟମ ରିପୋର୍ଟ ଆଧାରରେ ଗଣମାଧ୍ୟମକୁ ସୂଚନା ଦେଇଛନ୍ତି କେନ୍ଦ୍ରାପଡା ଏସପି ।
ଚଳିତ ଅଗଷ୍ଟ ୬ ତାରିଖ ବୁଧବାର ପୂର୍ବାହ୍ନରେ ପଟ୍ଟାମୁଣ୍ଡାଇ ଅଞ୍ଚଳର ଜଣେ ବ୍ୟକ୍ତି କଲେଜ ପଢୁଆ ଛାତ୍ରୀ ନିଆଁରେ ପୋଡ଼ି ହୋଇ ମୃତ୍ୟୁବରଣ କରିଥିବା ଖବର ଲୋକ ଲୋଚନକୁ ଆସିଥିଲା । ରାଜ୍ୟରେ ବାଲେଶ୍ୱର, ପୁରୀର ବଳଙ୍ଗା ପରେ ଏହା ତୃତୀୟ ଘଟଣା ହୋଇଥିବା କାରଣରୁ ପୋଲିସ ମହା ନିର୍ଦ୍ଦେଶକ ଏହି ଘଟଣାର ତଦନ୍ତ ଭାର ନିଜେ ଏସପି କରିବା ପାଇଁ ନିର୍ଦ୍ଦେଶ ଦେବା ପରେ କେନ୍ଦ୍ରାପଡା ଏସପି ସିଦ୍ଧାର୍ଥ କଟାରିଆ ମୃତକଙ୍କ ଘରେ ଅପରାହ୍ନରେ ପହଞ୍ଚି ସାଇଣ୍ଟିଫିକ ଟିମ ସାହାଯ୍ୟରେ ତଦନ୍ତ ଆରମ୍ଭ କରିଥିଲେ ।
ପୋଲିସ ପ୍ରାଥମିକ ତଦନ୍ତ କରୁଥିବା ସମୟରେ ଛାତ୍ରୀ ଜଣଙ୍କ ଏକ ଅଣ ଓସାରିଆ ଛାତ ସିଡ଼ି ଘରେ ବସି କିପରି ଆତ୍ମହତ୍ୟା କଲା ସେନେଇ ପ୍ରଶ୍ନ ଉଠିଥିଲା । କେବଳ ସେତିକି ନୁହେଁ ଛାତ୍ରୀ ଜଣଙ୍କର ଶରୀରରେ ବନ୍ଧା ଯାଇଥିବା ଦାଗ ସମ୍ପର୍କରେ ମଧ୍ୟ ଆଲୋଚନା କରାଯାଇଥିଲା । ତେବେ ଏହାର ସଠିକ୍ ତଦନ୍ତ ପାଇଁ କଟକ ବଡ଼ ମେଡିକାଲର FMT ବିଭାଗ ଡାକ୍ତରୀ ଟିମକୁ ଘଟଣାସ୍ଥଳକୁ ଅଣାଯିବା ସହ ମୃତ୍ୟୁର ପଞ୍ଚମ ଦିନ ଅର୍ଥାତ ୧୦ ତାରିଖରେ ପୁନଃ ସାଇଣ୍ଟିଫିକ ଟିମ ଯାଇ ଛାତ୍ରୀଜଣଙ୍କ ନିଆଁ ଲଗାଇଥିବା ସ୍ଥାନର ସରଜମିନ ତଦନ୍ତ କରାଯାଇଥିଲା ।
