‘ଏକ୍ସ’ରେ ଡିପି ପରିବର୍ତ୍ତନ କଲେ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅପରେସନ ସିନ୍ଦୂରର ପ୍ରଥମ ବାର୍ଷିକୀ ଉପଲକ୍ଷେ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ତାଙ୍କର ପ୍ରୋଫାଇଲ୍ ଫଟୋ ପରିବର୍ତ୍ତନ କରିଛନ୍ତି। ସେହିପରି ବୈଦେଶିକ ମନ୍ତ୍ରୀ ଏସ. ଜୟଶଙ୍କର, କେନ୍ଦ୍ର ମନ୍ତ୍ରୀ ପୀୟୂଷ ଗୋୟଲ, ନିର୍ମଳା ସୀତାରମଣ ଏବଂ ଅଶ୍ୱିନୀ ବୈଷ୍ଣବ ମଧ୍ୟ ଅପରେସନ ସିନ୍ଦୂରର ପ୍ରଥମ ବାର୍ଷିକୀ ଉପଲକ୍ଷେ ସେମାନଙ୍କର ପ୍ରୋଫାଇଲ୍ ଫଟୋ ପରିବର୍ତ୍ତନ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ପୋଷ୍ଟ କରି ଲେଖିଛନ୍ତି, ‘ଅପରେସନ ସିନ୍ଦୂର’ରେ ଭାରତର ଅସାଧାରଣ ବିଜୟ ଆମ ସାହସୀ ସୈନିକଙ୍କ ଅସାଧାରଣ ସାହସ ଏବଂ ଦେଶପ୍ରେମର ଏକ ପ୍ରେରଣାଦାୟକ ଉଦାହରଣ। ପ୍ରତ୍ୟେକ ନାଗରିକ ସେମାନଙ୍କ ଅଦମ୍ୟ ସାହସ, ଦୃଢ଼ ନିଷ୍ଠା ଏବଂ ସମର୍ପଣ ଉପରେ ଗର୍ବିତ। ଅନ୍ୟ ଏକ ପୋଷ୍ଟରେ ସେ ଲେଖିଛନ୍ତି, ଆମର ସଶସ୍ତ୍ର ବାହିନୀ ପହଲଗାମରେ ନିର୍ଦ୍ଦୋଷ ଭାରତୀୟଙ୍କୁ ଆକ୍ରମଣ କରିବାକୁ ସାହସ କରିଥିବା ଲୋକଙ୍କୁ ଉପଯୁକ୍ତ ଜବାବ ଦେଇଛି। ସମଗ୍ର ଦେଶ ଆମ ବାହିନୀର ବୀରତ୍ୱକୁ ସଲାମ କରୁଛି।