Garvita Odia
ଦେବଗଡ଼:ଜିଲ୍ଲା ନ୍ୟାୟଳୟର ସମ୍ମିଳନୀ କକ୍ଷରେ କିଶୋର ନ୍ୟାୟ ଅଧିନିୟମ – ଦଶନ୍ଧିର କାର୍ଯ୍ୟାନ୍ୱୟନ ଏବଂ ଆଗାମୀ ପଥ ସମ୍ପର୍କିତ ଜିଲ୍ଲା ସ୍ତରୀୟ କର୍ମଶାଳା ଅନୁଷ୍ଠିତ ହୋଇଯାଇଛି। ସିଭିଲ କୋର୍ଟର ରେଜିଷ୍ଟ୍ରର ବିଶ୍ଵଜିତ ମହାପାତ୍ରଙ୍କ ଅଧ୍ୟକ୍ଷତା ଓ ଜିଲ୍ଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ରଙ୍କ ପରିଚାଳନାରେ ଅନୁଷ୍ଠିତ କର୍ମଶାଳାକୁ ଜିଲ୍ଲା ଓ ଦୌରାଜଜ ଦେବାଶିଷ ରାଉତ ମୁଖ୍ୟଅତିଥି ଭାବେ ଯୋଗ ଦେଇ ଅନୁଷ୍ଠାନିକ ଶୁଭାରମ୍ଭ କରିବା ସହ ନିଜର ବକ୍ତବ୍ୟ ରଖିଥିଲେ।ଅତିରିକ୍ତ ଜିଲ୍ଲା ବିଚାରପତି ମଧୁମିତା ମହାନ୍ତି,ସିଭିଲ କୋର୍ଟ ବିଚାରପତି ମନୋରଞ୍ଜନ ମିଶ୍ର,ମହିଳା କୋର୍ଟ ବିଚାରପତି ସାନ୍ତାଶ୍ରୀ ମହାନ୍ତି,ଏସଡିଜେଏମ ଧନଞ୍ଜୟ ନାୟକ,ଜିଲ୍ଲା ଆଇନ ସେବା ପ୍ରାଧିକରଣ ସଚିବ ସୃଜନ ସାରସ୍ଵତ , ଜିଲ୍ଲା ଓକିଲ ସଂଘ ସଭାପତି ପ୍ରମଥେଶ ଗୁରୁ, ସମ୍ପାଦକ ସିଦ୍ଧେଶ୍ଵର ଗୁରୁ ,କିଶୋର ନ୍ୟାୟ ବୋର୍ଡରଏପିପି ରିଙ୍କୁ ନାଥ,କିଶୋର ନ୍ୟାୟ ବୋର୍ଡ ସଦସ୍ୟ ଦୈତାରୀ ଦ୍ବିବେଦୀ ଓ ପ୍ରବୀଣା ମିଶ୍ର ସମ୍ମାନିତ ଅତିଥି ଭାବେ ଯୋଗ ଦେଇ କିଶୋର ନ୍ୟାୟ ବ୍ୟବସ୍ଥାରେ ପରିବର୍ତ୍ତନ,ଉପଲବ୍ଧି ଓ କାର୍ଯ୍ୟାନ୍ୱୟନରେ ପ୍ରତିବନ୍ଧକ ସମ୍ପର୍କରେ ଆଲୋଚନା କରିଥିଲେ।କର୍ମାଶଳାରେ ପ୍ରଶାସନିକ ଅଧିକାରୀ,ପୁଲିସ, କୋର୍ଟର କର୍ମଚାରୀ,ଆଇନ ସେବା ପ୍ରାଧିକରଣ କର୍ମଚାରୀ,ଆଇନଜିବୀ ,ସ୍ଵେଛାସେବୀ ଅନୁଷ୍ଠାନର ସଦସ୍ୟ,ଶିଶୁ ମଙ୍ଗଳ କମିଟି, କିଶୋର ନ୍ୟାୟ ବୋର୍ଡର ସଦସ୍ୟ ଉପସ୍ଥିତ ଥିଲେ।
