ଛାତ ସେଣ୍ଟ୍ରିଙ୍ଗ ଭୁଶୁଡି ଦୁଇ ଶ୍ରମିକ ମୃତ

ଆସ୍କା : ଗଞ୍ଜାମ ଜିଲ୍ଲା ଆସିକା ଥାନା କର୍ପୁର ନୂଆଗାଁରେ ଅଘଟଣ । ଛାତ ସେଣ୍ଟ୍ରିଙ୍ଗ ଭୁଶୁଡି ଦୁଇ ଶ୍ରମିକ ମୃତ । ମୃତକମାନେ ହେଲେ ଭେଟନଈ ଗ୍ରାମର ନିରଞ୍ଜନ ମହାନ୍ତି ଓ ବାଲିମାଳା ଗ୍ରାମର ଖାଦାଳ ସେଠୀ ।

କର୍ପୁର ନୂଆଗାଁରେ ଗୋଟିଏ ନିର୍ମାଣାଧିନ ଘର ଛାତର ସେଣ୍ଟ୍ରିଙ୍ଗ ଉଭୟ ଖୋଲୁଥିଲେ । ଏହି ସମୟରେ ସେଣ୍ଟ୍ରିଙ୍ଗ ଭୁଶୁଡି ପଡିଥିଲା। ଲୁହାରଡ଼, ପଟା ଓ ଅନ୍ୟାନ୍ୟ ଜିନିଷ ସେମାନଙ୍କ ଉପରେ ପଡି ଯାଇଥିଲା । ଫଳରେ ଉଭୟ ଗୁରୁତର ହୋଇଥିଲେ। ସ୍ଥାନୀୟ ଲୋକେ ଉଭୟଙ୍କୁ ଚିକିତ୍ସା ନିମନ୍ତେ ଆସିକା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।