ନବବର୍ଷ ୨୦୨୫: ଚନ୍ଦ୍ରଭାଗାରେ ପ୍ରବଳ ଗହଳି

ଭୁବନେଶ୍ଵର: ନୂଆ ଆଶା ଓ ନୂଆ ଉଦ୍ଦୀପନା ନେଇ ଆସିଛି ଇଂରାଜୀ ନବବର୍ଷ ୨୦୨୫। ନୂଆବର୍ଷ ପାଳନକୁ ନେଇ ସବୁଠି ଆନନ୍ଦ ଉଲ୍ଲାସର ପରିବେଶ। ଗାଁଠୁ ସହର ସବୁଠି ଅତି ଧୂମଧାମ ସହକାରେ ବର୍ଶ ୨୦୨୫କୁ ପାଳନ କରାଯାଉଛି। ସେପଟେ ନୂଆବର୍ଷର ପ୍ରଥମ ସୂର୍ୟ୍ୟୋଦୟକୁ ମନଭରି ଉପଭୋଗ କରିଛନ୍ତି ଲୋକ । ନୂଆବର୍ଷର ପ୍ରଥମ ଦିନରେ ଉଦିତ ସୂର୍ୟ୍ୟର ପହିଲି କିରଣ ଦେଖିବାକୁ ଆଜି ସକାଳୁ ଚନ୍ଦ୍ରଭାଗା ବେଳାଭୂମିରେ ପ୍ରବଳ ଗହଳି ଦେଖିବାକୁ ମିଳିଛି। ବଡି ଭୋରରୁ ହଜାର ହଜାର ସଂଖ୍ୟାରେ ପର୍ୟ୍ୟଟକ ଉଦୀତ ସୂର୍ୟ୍ୟଙ୍କୁ ଦର୍ଶନ କରିଛନ୍ତି। ସମସ୍ତଙ୍କ ମନରେ ଗୋଟିଏ ଭାବନା ଯେ, ନବ ବର୍ଷ ସମସ୍ତଙ୍କ ପାଇଁ ସୁଖମୟ ହେଉ । ଦେଶର ବିଭିନ୍ନ ସ୍ଥାନରେ ନୂଆବର୍ଷର ପ୍ରଥମ ସୂର୍ୟ୍ୟୋଦୟର ଦୃଶ୍ୟକୁ କ୍ୟାମେରାରେ ତୋଳି ଧରିଛନ୍ତି ।