Garvita Odia
ବିଦାୟ ନେଲେ ‘କ୍ରାନ୍ତିବୀର’। ପଞ୍ଚତତ୍ତ୍ୱରେ ବିଲୀନ ହେଲେ ପ୍ରଖ୍ୟାତ ଅଭିନେତା ନାନା ପାଟେକର। ବିଳମ୍ବିତ ରାତିରେ ପୁଣେର ଡୋଞ୍ଜେ ଗାଁରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି। ରାଷ୍ଟ୍ରୀୟ ମର୍ଯ୍ୟାଦା ସହିତ ତାଙ୍କୁ ଦିଆଯାଇଛି ଅନ୍ତିମ ବିଦାୟ। ହଜାର ହଜାର ପ୍ରଶଂସକ ଏବଂ ଚଳଚ୍ଚିତ୍ର ଜଗତର କଳାକାରଙ୍କ ଗହଣରେ ନାନା ପାଟେକରଙ୍କ ଅନ୍ତିମ ସଂସ୍କାର କରାଯାଇଛି।
ତାଙ୍କ ଇଚ୍ଛା ଅନୁସାରେ ତାଙ୍କ ଫାର୍ମହାଉସରେ ହିଁ ଜୁଇ ଜଳିଥିଲା। ପୁଅ ମଲ୍ହାର ପାଟେକର ପିତାଙ୍କୁ ମୁଖାଗ୍ନି ଦେଇଥିଲେ। ‘ନାନା ସାହେବ ଅମର ରହେ’ ଧ୍ୱନିରେ ପ୍ରକମ୍ପିତ ହୋଇଥିଲା ସମ୍ପୂର୍ଣ୍ଣ ପରିବେଶ। ଗତକାଲି ସକାଳେ ହୃଦଘାତ ଯୋଗୁଁ ୭୫ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା।
ନିଜର ଦମଦାର ଅଭିନୟ, ସ୍ପଷ୍ଟବାଦୀ ଶୈଳୀ ଓ ସଂଳାପ ପ୍ରକ୍ଷେପଣ ପାଇଁ ହିନ୍ଦୀ ଏବଂ ମରାଠୀ ସିନେମାରେ ସେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ। କେବଳ ଜଣେ କଳାକାର ନୁହେଁ, ବରଂ ଜଣେ ମହାନ ସମାଜସେବୀ ଭାବେ ମଧ୍ୟ ସେ ସବୁଦିନ ପାଇଁ ସ୍ମରଣୀୟ ରହିବେ। ନାନା ପାଟେକର ଆଜି ଆମ ଗହଣରେ ନାହାନ୍ତି ସତ, ହେଲେ ନିଜର କାଳଜୟୀ ଅଭିନୟ ପାଇଁ ସେ କୋଟି କୋଟି ପ୍ରଶଂସକଙ୍କ ହୃଦୟରେ ସଦା ଅମର ରହିବେ।
