Garvita Odiaପର୍ଥ,୨୪।୧୧: ଅଷ୍ଟ୍ରେଲିଆରେ ଚମକିଲେ ବିରାଟ କୋହଲି। ପର୍ଥ ଟେଷ୍ଟର ଦ୍ୱିତୀୟ ଇନିଂସରେ କୋହଲି ଶତକ ମାରିବାରେ ସଫଳ ହୋଇଛନ୍ତି। ଦୀର୍ଘ ଦିନରୁ ଖରାପ ଫର୍ମ ଦେଇ ଗତି କରୁଥିବା ଏହି ଖେଳାଳି ବଡ଼ ଇନିଂସ ଖେଳି ଆଲୋଚକଙ୍କ ମୁହଁ ବନ୍ଦ କରିଦେଇଛନ୍ତି। ଏହା ବିରାଟଙ୍କ ଟେଷ୍ଟ କ୍ୟାରିୟରର ୩୦ ତମ ଶତକ। ୪୯୧ ଦିନ ପରେ ସେ ଟେଷ୍ଟ ଫର୍ମାଟରେ ଶତକ ମାରିଛନ୍ତି। ଏହା ପୂର୍ବରୁ ସେ ୨୦୨୩ ଜୁଲାଇ ୨୦ରେ ପୋର୍ଟ ଅଫ୍ ସ୍ପେନ୍ରେ ଶତକ ମାରିଥିଲେ।
ଖେଳର ତୃତୀୟ ଦିନରେ ମଇଦାନକୁ ଓହ୍ଲାଇଥିବା କୋହଲି ଦ୍ରୁତ ବୋଲରମାନଙ୍କୁ ସାବଧାନତାର ସହ ଖେଳିଥିଲେ। ଏହାପରେ ସେ ଦୁଇ ଥର ଆଉଟ୍ ହେବାରୁ ରକ୍ଷା ପାଇଥିଲେ। ଭାଗ୍ୟ ସାଥ୍ ଦେବା ପରେ ସେ ଜବରଦସ୍ତ କ୍ରିକେଟ ପ୍ରଦର୍ଶନ କରିଥିଲେ। ୯୪ ବଲ୍ରେ ସେ ଅର୍ଦ୍ଧଶତକ ପୂରଣ କରିବା ପରେ ବିସ୍ଫୋରକ ବ୍ୟାଟିଂ କରି ଶତକ ମାରିଥିଲେ।
କୋହଲି ପର୍ଥ ଟେଷ୍ଟରେ ଶତକ ମାରିବା ପରେ ତେନ୍ଦୁଲକରଙ୍କୁ ପଛରେ ପକାଇଛନ୍ତି। ସେ ବର୍ଡର-ଗାଭାସ୍କର ଟ୍ରଫିରେ ସବୁଠାରୁ କମ୍ ଇନିଂସରେ ୯ ଶତକ ଲଗାଇଥିବା ଖେଳାଳି ପାଲଟିଛନ୍ତି। ସଚିତ ୬୫ ଇନିଂସରେ ୯ ଶତକ ମାରିଥିଲେ। ଏହାଛଡ଼ା କୋହଲି ଅଷ୍ଟ୍ରେଲିଆରେ ସବୁଠାରୁ ଅଧିକ ୭ ଟେଷ୍ଟ ଶତକ ମାରି ସଚିନଙ୍କୁ ମଧ୍ୟ ପଛରେ ପକାଇଛନ୍ତି। ତେନ୍ଦୁଲକର ୬ ଶତକ ମାରିଥିବା ବେଳେ ସୁନୀଲ ଗାଭାସ୍କର ୫ ଥର ଶତକ ମାରିଥିଲେ।
ୟୁଏସ୍ ଓପନ୍ ଗ୍ରାଣ୍ଡସ୍ଲାମ୍ର କ୍ବାର୍ଟର୍ଫାଇନାଲ୍ରେ ପ୍ରବେଶ କଲେ ଭାରତୀୟ ଟେନିସ୍ ତାରକା ୟୁକି ଭାମ୍ବ୍ରି
Garvita Odia- September 4, 2025
ନ୍ୟୁୟର୍କ,04।09: ଭାରତୀୟ ଟେନିସ୍ ତାରକା ୟୁକି ଭାମ୍ବ୍ରି ଚଳିତ ୟୁଏସ୍ ଓପନ୍ ଗ୍ରାଣ୍ଡସ୍ଲାମ୍ର କ୍ବାର୍ଟର୍ଫାଇନାଲ୍ରେ ପ୍ରବେଶ କରି ଇତିହାସ ରଚିଛନ୍ତି। ଏହା ହେଉଛି ବିଶ୍ବମାନ୍ୟତାର ୩୨ତମ ସ୍ଥାନରେ ଥିବା ଭାମ୍ବ୍ରିଙ୍କ କ୍ୟାରିୟର୍ର ପ୍ରଥମ ଗ୍ରାଣ୍ଡସ୍ଲାମ୍ କ୍ବାର୍ଟର୍ଫାଇନାଲ୍ ପ୍ରବେଶ। ଚତୁର୍ଦଶ ସିଡ୍ ଭାମ୍ବ୍ରି…