Garvita Odia
ନୂଆଦିଲ୍ଲୀ: ଆଇସିସି ଚାମ୍ପିଅନ୍ସ ଟ୍ରଫିରେ ଟିମ୍ ଇଣ୍ଡିଆ ଚମ୍ପିଆନ ହୋଇଥିବା ବେଳେ ନ୍ୟୁଜିଲାଣ୍ଡକୁ ରନର୍ସଅପ୍ ଟାଇଟଲରେ ସନ୍ତୁଷ୍ଟ ହେବାକୁ ପଡିଛି । ଗତକାଲି ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଅନୁଷ୍ଠିତ ଫାଇନାଲ ମ୍ୟାଚରେ ବ୍ଲାକ କ୍ୟାପ୍ସକୁ ୪ ଓ୍ବିକେଟରେ ପରାସ୍ତ କରି ଟ୍ରଫି ଛଡାଇ ଆଣିଥିଲା ମେନ ଇନ ବ୍ଲୁ । ଐତିହାସିକ ବିଜୟ ପରେ ଭାରତୀୟ ଦଳ ଉପରେ ଟଙ୍କା ବର୍ଷା ହୋଇଛି । ସେହିପରି ଉପବିଜେତା ଦଳ ମଧ୍ୟ କୋଟି କୋଟି ଟଙ୍କା ପୁରସ୍କାର ପାଇଛନ୍ତି । ନଜର ପକାନ୍ତୁ କେଉଁ ଦଳକୁ ମିଳିଲା କେତେ ?
ତୃତୀୟ ଥର ପାଇଁ ଚାମ୍ପିଅନ୍ସ ଟ୍ରଫି ହାତେଇବା ପରେ ଖେଳାଳିଙ୍କ ଉପରେ ଟଙ୍କା ବର୍ଷା ହୋଇଛି । ବିଜୟୀ ହେବା ପରେ ଦଳକୁ କୋଟି କୋଟି ଟଙ୍କା ପୁରସ୍କାର ରାଶି ମିଳିଛି । ଆଇସିସି ଟିମ୍ ଇଣ୍ଡିଆକୁ ୧୯.୪୫ କୋଟି ଟଙ୍କାର ପୁରସ୍କାର ରାଶି ଦେଇଛି। ଚାମ୍ପିଅନ୍ସ ଟ୍ରଫି ୨୦୨୫ ଟ୍ରଫି ପ୍ରଦାନ କରିବା ପୂର୍ବରୁ ଭାରତୀୟ କ୍ରିକେଟ୍ ଦଳକୁ ପୁରସ୍କାର ରାଶି ଚେକ୍ ପ୍ରଦାନ କରାଯାଇଥିଲା।
