Garvita Odia
ରାଜ୍ୟର ୬ଟି ଜିଲ୍ଲାର ୫୨ଟି ବ୍ଲକ୍ ବନ୍ୟାରେ ପ୍ରଭାବିତ। ବନ୍ୟା ସ୍ଥିତିର ସମୀକ୍ଷା ପରେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ କହିଛନ୍ତି, ଗତ ୪୮ ଘଣ୍ଟାରେ ରାଜ୍ୟର ୫୦୩ଟି ଗାଁର ୨ ଲକ୍ଷ ୭୦ ହଜାର ୨୧୨ ଜଣ ଲୋକ ପ୍ରଭାବିତ ହୋଇଛନ୍ତି। ସର୍ବାଧିକ ପ୍ରଭାବିତ ହୋଇଛନ୍ତି ମୟୂରଭଞ୍ଜ, ବାଲେଶ୍ୱର, ଯାଜପୁର ଓ ଭଦ୍ରକ ଜିଲ୍ଲାର ଲୋକେ।
୯୩ ହଜାର ୪୦୬ ଜଣଙ୍କୁ ସ୍ଥାନାନ୍ତର କରାଯାଇ ବିଭିନ୍ନ ରିଲିଫ୍ ସେଣ୍ଟରରେ ରଖାଯାଇଛି। ସେମାନଙ୍କ ପାଇଁ ୨୨୨ଟି ମାଗଣା ରନ୍ଧାଖାଦ୍ୟ କେନ୍ଦ୍ର ଖୋଲାଯାଇଛି। ବିଗତ ଦୁଇ ଦିନରେ ପ୍ରାୟ ୩ ହଜାର ୭୦୦ ହେକ୍ଟର ଜମିରେ ଫସଲ ନଷ୍ଟ ହୋଇଥିବା ମନ୍ତ୍ରୀ ସୂଚନା ଦେଇଛନ୍ତି। ତେବେ ସୁବର୍ଣ୍ଣରେଖାର ରାଜଘାଟ ଓ ମଥନୀକୁ ଛାଡ଼ି ଅନ୍ୟ ସ୍ଥାନରେ ବନ୍ୟା ସ୍ଥିତିରେ ସୁଧାର ଆସୁଥିବା ମନ୍ତ୍ରୀ କହିଛନ୍ତି।
