Garvita Odia
ଭୁବନେଶ୍ବର: ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜୟନ୍ତୀ ଓ ଆନ୍ତର୍ଜାତିକ ମହିଳା ଦିବସ ପାଳନ ସମ୍ପର୍କରେ ବିଜେଡିର ସାମ୍ବାଦିକ ସମ୍ମିଳନୀ। ବିଜୁ ବାବୁଙ୍କ ଜୟନ୍ତୀ ମାର୍ଚ୍ଚ ୫ରେ ହେବ। ବିଜୁ ବାବୁଙ୍କ ୧୦୯ ତମ ଜନ୍ମ ଦିବସ ପ୍ରତ୍ୟେକ ନିର୍ବାଚନ ମଣ୍ଡଳୀରେ ପାଳନ କରିବ ବିଜେଡି। ଏହି ଅବସରରେ ବିଜେଡିର ନେତୃବୃନ୍ଦ, ନିର୍ବାଚିତ ପ୍ରତିନିଧି ତଥା ଦଳର ଛାମୁଆ ସଂଗଠନ ଜୟନ୍ତୀ ସଭା ତଥା ଆଲୋଚନା ଚକ୍ର କରିବେ। ବିଜୁ ବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ସହ ଦେଶାତ୍ମବୋଧକ ସଙ୍ଗୀତ ଗାନ କରାଯିବ।
ସେହିପରି ମାର୍ଚ୍ଚ ୮ ତାରିଖ ଆନ୍ତର୍ଜାତିକ ମହିଳା ଦିବସକୁ ବଡ଼ ଆକାରରେ ପାଳନ କରିବ ବିଜେଡି। ବିଜୁ ମହିଳା ଜନତା ଦଳ ପକ୍ଷରୁ ବିଭିନ୍ନ ନିର୍ବାଚନମଣ୍ଡଳୀ, ବ୍ଲକ, ପୋୖରାଞ୍ଚଳ ସ୍ତରରେ ପାଳନ କରାଯିବ। ମହିଳାଙ୍କୁ ସସକ୍ତ କରିବା ଦିଗରେ ବିଜେଡି ସରକାର ନେଇଥିବା ପଦକ୍ଷେପ ଓ ମହିଳା ବିକାଶ ସମ୍ପର୍କରେ ବିଜେଡିର ଆଭିମୁଖ୍ୟ ସମ୍ପର୍କରେ ଆଲୋଚନା ହେବ। ଏଥିପାଇଁ ଶଙ୍ଖ ଭବନରେ ପ୍ରସ୍ତୁତି ବୈଠକ ହୋଇଛି ଓ ପାଳନ ନେଇ ଆଲୋଚନା ହୋଇଛି।
ମାର୍ଚ୍ଚ ୮ ରେ ଶଙ୍ଖ ଭବନରେ ମହିଳା ଦିବସ କାର୍ୟ୍ୟକ୍ରମ ହେବ। ବିଭିନ୍ନ ନିର୍ବାଚନ ମଣ୍ଡଳୀ, ବ୍ଲକ ଓ ପୌରାଞ୍ଚଳ ସହ ଶଙ୍ଖ ଭବନରେ ବି ଦିବସ ହେବ।
