Garvita Odia
ଦେବଗଡ଼:ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ଆଜି ବିଶ୍ବ ସିକିଲ ସେଲ ଦିବସ ପାଳିତ ହୋଇଯାଇଛି।ଭାରପ୍ରାପ୍ତ ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ ଡା.ପ୍ରଭାତ ଓଝାଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଚିକିତ୍ସାଳୟର ଅଧିକ୍ଷକ ଡା.ମନୋରଞ୍ଜନ ସାମଲ, ଶିଶୁ ରୋଗ ବିଶେଷଜ୍ଞ ତଥା ଅତିରିକ୍ତ ଜନସ୍ବାସ୍ଥ୍ୟ ଅଧିକାରୀ(ଏଫଡବ୍ଲୁ) ଡା.ମାନସାଙ୍ଗ ମୁର୍ମୁ,ତ୍ସୀ ଓ ପ୍ରସୁତି ବିଭାଗର ଡା. ମିନରଭା ହିକୋକା,ଡା.ରୋଶନ ନାଏକ,ଚକ୍ଷୁ ରୋଗ ବିଶେଷଜ୍ଞ ଡା.ଦୀପକ ମହାନ୍ତି,ଜିଲ୍ଲା ଆକାଉଣ୍ଟସ ମ୍ୟାନେଜର ଧିରେନ୍ଦ୍ର ନନ୍ଦ ପ୍ରମୁଖ ଯୋଗ ଦେଇ ସିକିଲ ସେଲ ରୋଗର କାରଣ ଓ ନିରାକରଣ ସଂପର୍କରେ ଆଲୋକପାତ କରିଥିଲେ।ଏହି ଅବସରରେ ଦେବଗଡ ଜିଲ୍ଲା ରାଜ୍ୟସ୍ତରରେ ସିକିଲ ସେଲ ରୋଗୀ ଚିହ୍ନଟ କରି ସର୍ବାଧିକ କାର୍ଡ ପ୍ରଦାନ କରି ରାଜ୍ୟସ୍ତରରେ ପ୍ରଥମ ସ୍ଥାନ କରିଥିବା ସୂଚନା ପ୍ରଦାନ କରାଯାଇଥିଲା। ଆଗାମୀ ଦିନରେ ଏହି ରୋଗ ଚିହ୍ନଟ କରିବା ପ୍ରକ୍ରିୟାକୁ ତ୍ବରାନ୍ବିତ କରିବା ସହ ଲୋକମାନଙ୍କୁ ସଚେତନ କରାଯିବ। ଏହାସହିତ ଜନସଚେତନତା ପାଇଁ ଭଲ କାମ କରିଥିବା କର୍ମଚାରୀମାନଙ୍କୁ ପୁରସ୍କୃତ କରାଯାଇଥିଲ।ବୈଠକରେ ସ୍ବାସ୍ଥ୍ୟ ବିଭାଗର କର୍ମଚାରୀମାନଙ୍କ ସମେତ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ଥିଲେ।
