Garvita Odia
ଭୁବନେଶ୍ୱର: ପିସିସି ସଭାପତିଭାବେ ଭକ୍ତଚରଣ ଦାସ ଦାୟିତ୍ୱ ନେବା ପରେ ସେ ଦଳକୁ ସଜାଡ଼ିବା ଉଦ୍ୟମ ଆରମ୍ଭ କରିଛନ୍ତି । ତେବେ ଶ୍ରୀ ଦାସଙ୍କ ଦାୟିତ୍ୱ ଗ୍ରହଣ କରିବା ଦିନ ମହମ୍ମଦ ମୋକିମ ଉପସ୍ଥିତ ନଥିବାବେଳେ ସୋମବାର ମୋକିମଙ୍କ ସମ୍ପର୍କରେ ଶ୍ରୀ ଦାସ ଏକ ବଡ଼ ସୂଚନା ଦେଇଛନ୍ତି ।
ସେ କହିଛନ୍ତି ଯେ ମହମ୍ମଦ ମୋକିମଙ୍କୁ ଗୁରୁ ଦାୟିତ୍ୱ ମିଳିବ । ମୋକିମ ଜଣେ ଦକ୍ଷ ନେତା । ଆଗାମୀ ଦିନରେ ଦଳର ସ୍ୱାର୍ଥ ପାଇଁ ମୋକିମଙ୍କୁ ବଡ଼ ଦାୟିତ୍ୱ ମିଳିବ । ମୋକିମଙ୍କ ଭଳି ସଂଗଠକ କଂଗ୍ରେସରେ ବିରଳ । ମୁଁ ସଭାପତି ହେବା ପରେ ମୋକିମ ମୋତେ ଭେଟିଥିଲେ । କାହା ଭିତରେ ମତଭେଦ ନାହିଁ । ଏକାଠି ହୋଇ ସମସ୍ତେ ଚାଲିବ । କଂଗ୍ରେସ ଦଳ ଆଗାମୀ ଦିନରେ ବିପ୍ଳବ ଆଣିବ । ଆଉ ଯୁବପିଢ଼ି କଂଗ୍ରେସର ଭବିଷ୍ୟତ ବୋଲି ଶ୍ରୀ ଦାସ କହିଛନ୍ତି ।
