Garvita Odia
ଆଇପିଏଲ 18 ତମ ସଂସ୍କରଣର ତୃତୀୟ ମ୍ଯାଚ ଆଜି ସନ୍ଧ୍ୟା ସମୟରେ ଚେପକ ଷ୍ଟାଡିମରେ ଚେନ୍ନାଇ ସୁପର କିଙ୍ଗ୍ସ ଓ ମୁମ୍ବାଇ ଇଣ୍ଡିଆନ୍ସ ମଧ୍ଯରେ ଖେଳାଯିବ । ଏହା ପୂର୍ବରୁ ଏମ ଏସ ଧୋନିଙ୍କ ଅବସର ନେଇ ବଡ ଖବର ସାମ୍ନାକୁ ଆସିଛି । ଫ୍ୟାନ୍ସ ଭାବୁଛନ୍ତି ଯେ, ଚଳିତ ସିଜିନ ଶେଷ ହେବା ପରେ ଧୋନି ଅବସର ନେଇଯିବେ । ଏହାକୁ ନେଇ ନିଜ ନୀରବତା ଭାଙ୍ଗିଛନ୍ତି ଏମଏସଡି । ଅବସରକୁ ନେଇ ହେଉଥିବା ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇଛନ୍ତି ।
ଜିଓ ହଟଷ୍ଟାରକୁ ଦେଇଥିବା ଏକ ସାକ୍ଷାତକାରରେ ଧୋନି କହିଛନ୍ତି, ଯେପର୍ଯ୍ୟନ୍ତ ମୁଁ ଚାହିଁବି ସେପର୍ଯ୍ୟନ୍ତ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳିପାରିବି, କାରଣ ଏହା ମୋର ଫ୍ରାଞ୍ଚାଇଜ୍, ଯଦି ମୁଁ ହ୍ୱିଲଚେୟାରରେ ବି ଥିବି ତେବେ ଏହା ମୋତେ ଟାଣି ନେବ ।’ ଏହା କହିବା ପରେ ଧୋନି ହସିଥିଲେ ।ଅବସରକୁ ନେଇ ଧୋନି ଦେଇଥିବା ମନ୍ତବ୍ୟ ତାଙ୍କ ଫ୍ୟାନ୍ସ ମାନଙ୍କୁ ଖୁସି କରିଦେଇଛି । କିନ୍ତୁ ସେ ଏହା ମଜାରେ କହିଛନ୍ତି । ମହେନ୍ଦ୍ର ସିଂ ଧୋନି ଆଇପିଏଲର ୧୮ତମ ସିଜିନର ସବୁଠାରୁ ବୟସ୍କ ଖେଳାଳି । ତାଙ୍କର ବୟସ ୪୩ ବର୍ଷ । ଏହି କାରଣରୁ, କ୍ରିକେଟ ବିଶେଷଜ୍ଞମାନେ ଅନୁମାନ କରୁଛନ୍ତି ଯେ, ସେ ଏହି ସିଜିନ ପରେ IPLରୁ ଅବସର ଘୋଷଣା କରିବେ ।
