Garvita Odia
ଓଡ଼ିଶାର ରାଜ୍ୟସଭା ସାଂସଦମାନେ ଏବେ ୨୦୨୯ ନିର୍ବାଚନ ପାଇଁ ଅଙ୍କକଷା ଆରମ୍ଭ କରିଦେଇଛନ୍ତି । କିଏ ଲୋକସଭା ନିର୍ବାଚନ ଲଢ଼ିବାକୁ ଯୋଜନା କରୁଛନ୍ତି ତ ଆଉ କିଏ ବିଧାନସଭା ନିର୍ବାଚନ ଲଢ଼ିବାକୁ ପ୍ରସ୍ତୁୂତି ଆରମ୍ଭ କରିଦେଇଛନ୍ତି ।
ମନମୋହନ ସାମଲ
ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ରାଜ୍ୟସଭା କାର୍ଯ୍ୟକାଳ ୨୦୩୨ ପର୍ଯ୍ୟନ୍ତ ରହିଛି । ହେଲେ ତାଙ୍କ ମନ କିନ୍ତୁ ଚାନ୍ଦବାଲିରେ । ୨୦୨୪ରେ ସେ ଯଦି ଚାନ୍ଦବାଲିରୁ ବିଧାୟକ ଭାବେ ନିର୍ବାଚିତ ହୋଇଥା’ନ୍ତା, ଆଜିକା ଦିନରେ ସେ ମୁଖ୍ୟମନ୍ତ୍ରୀ ଅବା ଉପମୁଖ୍ୟମନ୍ତ୍ରୀ ହେବାର ବି ସମ୍ଭାବନା ରହିଥିଲା । ଚାନ୍ଦବାଲିରୁ ଯୁବନେତା ବ୍ୟୋମକେଶ ରାୟଙ୍କ ଠାରୁ ସେ ବାରମ୍ବାର ପରାସ୍ତ ହୋଇଥିବାରୁ ୨୦୨୯ରେ ନିଶ୍ଚିତ ବିଜୟ ହାସଲ କରିବାକୁ ରଣନୀତି କରିଛନ୍ତି । ଅବଶ୍ୟ ସେ ଚାନ୍ଦବାଲି ରାଜନୀତି ଉପରେ ଏବେ ବେଶୀ ଧ୍ୟାନ ଦେଉନାହାନ୍ତି । କିନ୍ତୁ ପଞ୍ଚାୟତ ନିର୍ବାଚନ ସମୟରୁ ସେ ବେଶୀ ଧ୍ୟାନ ଦେବେବୋଲି ଜାଣିବାକୁ ମିଳିଛି ।
