ଶୋଇଥିବା ବେଳେ ଯୁବକଙ୍କ କାଟି ଦେଲେ ଗଳା

ଝାରସୁଗୁଡ଼ା : ବାରଣ୍ଡାରେ ଶୋଇଥିବାବେଳେ ଯୁବକଙ୍କ ଗଳା କାଟି ହତ୍ୟା। ଝାରସୁଗୁଡ଼ା ଲଖନପୁର ଥାନା ସୁଲଦିଆ ଲାଲୁମୁଣ୍ଡାରେ ଘଟିଛି ଏଭଳି କିଛି ଭୟଙ୍କର ହତ୍ୟାକାଣ୍ଡ। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି।

ମୃତ ଯୁବକ ଜଣକ ହେଉଛନ୍ତି ପ୍ରଦୀପ ଭୋଇ। ତାଙ୍କ ଘର ଲଖନପୁର ଥାନା ସୁଲଦିଆ ଲାଲୁମୁଣ୍ଡା ଗାଁରେ। ପ୍ରଦୀପ ନିଜ ଘର ବାରଣ୍ଡାରେ ଶୋଇଥିବା ବେଳେ ବିଳମ୍ବିତ ରାତିରେ କେହି ଦୁର୍ବୁତ୍ତ ଧାରୁଆ ଅସ୍ତ୍ରରେ ତାଙ୍କ ଗଳା କାଟି ହତ୍ୟା କରି ଫେରାର ହୋଇଯାଇଛି।

ତେବେ କିଏ ଏବଂ କେଉଁ କାରଣ ପାଇଁ ପ୍ରଦୀପଙ୍କୁ ଏଭଳି ବୀଭତ୍ସ ଭାବେ ହତ୍ୟା କଲା, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ହତ୍ୟାକାଣ୍ଡର ଖବର ପାଇ ପୋଲିସ, ସାଇଣ୍ଟିଫିକ୍ ଟିମ୍ ଏବଂ ଡଗ୍ ସ୍କ୍ୱାଡ୍ ଘଟଣାସ୍ଥଳରେ ପହଞ୍ଚି ଛାନଭିନ୍ ଜାରି ରଖିଛନ୍ତି। ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ହତ୍ୟାକାରୀଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଆରମ୍ଭ କରିଛି।