Garvita Odia
ବେଗୁନିଆପଡା: ଗଞ୍ଜାମ ଜିଲ୍ଲା ବେଗୁନିଆପଡା ଥାନା ଅନ୍ତର୍ଗତ ତାଳସର ପଞ୍ଚାୟତର ଗୋପାଳପୁର ସାହିରେ ସ୍ୱାମୀଙ୍କୁ ମାରଣାସ୍ତ୍ରରେ ଚୋଟ ପକାଇବା ପରେ ଇଟାରେ ଛେଚି ବିଭତ୍ସ ଭାବେ ହତ୍ୟା କରିଛନ୍ତି ସ୍ତ୍ରୀ। ସ୍ୱାମୀଙ୍କ ଅତ୍ୟାଚାରରେ ଅତିଷ୍ଠ ହୋଇ ଏହି ଘଟଣା ଘଟଇଥିବା ସ୍ତ୍ରୀ କହିଛନ୍ତି।ମୃତ ସ୍ୱାମୀ ହେଲେ ନାରାୟଣ ଭୂୟାଁ (୪୦)। ପ୍ରାପ୍ତ ସୂଚନା ଅନୁଯାୟୀ ନାରାୟଣ ଭୂୟାଁଙ୍କ ନିଜ ଘର ବେଗୁନିଆପଡା ଥାନା ଅନ୍ତର୍ଗତ ବିରିବାଟିଆ ଗ୍ରାମରେ।ସେ ଗୋପାଳପୁର ଗ୍ରାମର ରୀନା ଭୂୟାଁଙ୍କୁ ବିବାହ କରବା ପରେ ତାଳସର ନିକଟସ୍ଥ ଗୋପାଳପୁର ଠାରେ ରହୁଥିଲେ। ତାଙ୍କର ଗୋଟିଏ ଝିଅ (୧୬) ଓ ଆଉ ଗୋଟିଏ ପୁଅ (୧୨)।
ରୀନା ବାହାରେ ରହି କାମ କରୁଥିବା ବେଳେ ଉଭୟଙ୍କ ମଧ୍ୟରେ ନିୟମିତ କଳହ ଲାଗି ରହୁଥିଲା। ନାରାୟଣ ନିଜ ପୁଅ ସହ ଗୋଟିଏ ସ୍ଥାନରେ ରହିଆସୁଥିଲେ। ନାରାୟଣ ରୀନାଙ୍କ ଚରିତ୍ର ଉପରେ ସନ୍ଦେହ କରୁଥିଲେ। ଫଳରେ ଉଭୟଙ୍କ ମଧ୍ୟରେ ତିକ୍ତତା ବଢୁଥିଲା। ସେ ରୀନାଙ୍କୁ ନିର୍ୟ୍ୟାତନା ଦେଉଥିଲେ।
ଗତକାଲି ମଙ୍ଗଳବାର ବିଳମ୍ବିତ ରାତିରେ ସ୍ୱାମୀ ନାରାୟଣ ସହ ରୀନାଙ୍କର ପାଟିତୁଣ୍ଡ ହେବା ସହ ଉଭୟ ଧସ୍ତାଧସ୍ତି ହୋଇଥିଲେ। ଏକ ପଥର ଉପରେ ନାରାୟଣ ପଡିଯିବା ପରେ ତାଙ୍କ ମୁଣ୍ଡକୁ ଇଟାରେ ରୀନା ଛେଚି ଦେଇଥିଲେ। ରୀନା ସେଠାରୁ ତାଙ୍କୁ ଘରକୁ ଘୋଷାଡ଼ି ଆଣିଵା ପରେ ନାରାୟଣ ଘରେ ଥିବା ଏକ କୁରାଢ଼ୀ ଆଣିବା ସମୟରେ ରୀନା ସେହି କୁରାଢ଼ୀକୁ ତାଙ୍କ ଠାରୁ ଛଡାଇ ନାରାୟଣଙ୍କୁ ଚୋଟ ପକାଇ ମାରିଦେଇଥିଲେ। ପୁଣି ରାଗରେ ତାଙ୍କୁ ମାରିବା ପାଇଁ ଇଟାରେ ମୁଣ୍ଡକୁ ଛେଚି ହତ୍ୟା କରିଥିଲେ।ପୁଲିସ ରୀନାଙ୍କୁ ଗିରଫ କରିବା ସହ ଆଉ ଜଣଙ୍କୁ ମଧ୍ୟ ଅଟକ ରଖି ଜେରା କରୁଛି।
