Garvita Odia
ଭୁବନେଶ୍ବର : ଭୁବନେଶ୍ୱରରେ ତିନିଦିନିଆ ଡିଜିପି ସମ୍ମିଳନୀ ଅନୁଷ୍ଠିତ ହେବ। ଲୋକସଭା ଭବନ ସମ୍ମିଳନୀ କକ୍ଷରେ ୨୯ ତାରିଖରୁ ଏହି ସମ୍ମିଳନୀ ଚାଲିବ। ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଯୋଗଦେବେ। ପ୍ରଧାନମନ୍ତ୍ରୀ ୩ ଦିନିଆ ଓଡ଼ିଶା ଗସ୍ତକୁ ନେଇ କମିସନରେଟ ପୁଲିସ ପକ୍ଷରୁ ରାଜଧାନୀକୁ କଡ଼ା ସୁରକ୍ଷା ବଳୟ ମଧ୍ୟରେ ରଖାଯାଇଛି। ବିମାନ ବନ୍ଦରରୁ ରାଜଭବନ, ରାଜଭବନରୁ ଦଳୀୟ କାର୍ୟ୍ୟାଳୟ ଯାଏଁ ବ୍ୟାରିକେଡ କରାଯାଇଛି। ପ୍ରଧାନମନ୍ତ୍ରୀ ଗସ୍ତ କରିବାକୁ ଥିବା ସମସ୍ତ ରାସ୍ତାକୁ ବୋମା ନିଷ୍କ୍ରିୟକାରୀ ଦଳ ତନ୍ନତନ୍ନ କରି ଯାଞ୍ଚ କରୁଛନ୍ତି। ସନ୍ଧାନୀ କୁକୁର ଜରିଆରେ ମଧ୍ୟ ରାସ୍ତା, ସଭାସ୍ଥଳ, ବିମାନ ବନ୍ଦର ଅଞ୍ଚଳକୁ ଯାଞ୍ଚ କରାଯାଉଛି। ଏଥିସହ ୨୯ରୁ ଡିସେମ୍ବର ୧ ତାରିଖ ପର୍ୟ୍ୟନ୍ତ ସହରର ୫ଟି ସ୍ଥାନକୁ ନୋ ଫ୍ଲାଇଂ ଜୋନ୍ ଘୋଷଣା କରାଯାଇଛି। ବିମାନ ବନ୍ଦର, ଲୋକସେବା ଭବନ, ରାଜ୍ୟ ଅତିଥି ଭବନ, ରାଜଭବନ, ମୈତ୍ରୀବିହାର ଓ ଆଇପିଏସ୍ ମେସ୍ ସମେତ ଚନ୍ଦ୍ରଶେଖରପୁର ଅଞ୍ଚଳକୁ କମିସନରେଟ ପୁଲିସ ପକ୍ଷରୁ ନୋ ଫ୍ଲାଇଂ ଜୋନ୍ କରାଯାଇଛି। ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥାକୁ ପୁଲିସ ମହାନିର୍ଦେଶକ ୱାଇବି ଖୁରାନିଆ ପ୍ରତ୍ୟକ୍ଷ ଭାବେ ତଦାରଖ କରୁଛନ୍ତିି। ରାଜଧାନୀକୁ ସିସିଟିଭି ନଜରରେ ରଖାଯାଇଛି।
