Garvita Odia
ପୁରୀ : ମହଙ୍ଗା ପଡ଼ିଲା ପରକୀୟା ପ୍ରୀତି। ସ୍ବାମୀ ଘରେ ନଥିବା ସମୟରେ ପର ପୁରୁଷ ସହିତ ରଖୁଥିଲେ ଅନୈତିକ ସମ୍ପର୍କ। ଧରାପଡ଼ିବା ପରେ ଉଭୟ ସ୍ତ୍ରୀ ଓ ପୁରୁଷ ବନ୍ଧୁଙ୍କୁ ନିର୍ଧୁମ ମାଡ଼ ମାରିଲେ ସ୍ବାମୀ। ସର୍ବ ସମ୍ମୁଖରେ ନିଜ ସ୍ତ୍ରୀ ଆଉ ତାଙ୍କ ପୁରୁଷ ବନ୍ଧୁଙ୍କୁ ଫୁଲମାଳ ପିନ୍ଧାଇ ରାସ୍ତା ଉପରେ ଚଲେଇ ଚଲେଇ ଆଣିଲେ। ସ୍ତ୍ରୀଙ୍କୁ ରାସ୍ତାରେ ମୁଁହ ବାନ୍ଧି ଆଣିବା ସହିତ ପୁରୁଷ ବନ୍ଧୁଙ୍କୁ ଉଲଗ୍ନ କରି ରାସ୍ତାରେ ଚଲାଇ ଚଲାଇ ଆଣି ଥାନାରେ ଜିମା ଦେଲେ।
ପୁରୀ ଜିଲ୍ଲା ନିମାପଡ଼ା ଅଞ୍ଚଳରେ ଦେଖିବାକୁ ମିଳିଛି ଏଭଳି ଘଟଣା। ତେବେ ସ୍ତ୍ରୀ ଆଉ ତାଙ୍କ ପୁରୁଷ ବନ୍ଧୁ ଦୁଇଜଣ ଯାକ ଅଲଗା ଅଲଗା ସ୍କୁଲରେ ଜଣେ ଜଣେ ଶିକ୍ଷକ ଓ ଶିକ୍ଷୟିତ୍ରୀ ଭାବେ କାର୍ୟ୍ୟରତ ଅଛନ୍ତି। ଯେଉଁଥିପାଇଁ ଘଟଣାଟି ଅଞ୍ଚଳରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି। ଏପଟେ ଥାନା ଠାରୁ ମାତ୍ର ୨୦୦ମିଟର ଦୂରରେ ଏଭଳି ଘଟଣା ଘଟିଥିବା ବେଳେ ପୋଲିସ ଜାଣି ପାରିଲାନି କିଭଳି ତାକୁ ନେଇ ଉଠିଛି ପ୍ରଶ୍ନ। ତେବେ ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନଥିବା ବେଳେ ଉଭୟଙ୍କୁ ଥାନାରେ ଅଟକ ରଖି ପୋଲିସ ଅଧିକ ତଦନ୍ତ ଚଳାଇଥିବା ଜଣାପଡ଼ିଛି।
