Garvita Odia
ଭୁବନେଶ୍ୱର: ମାତିଛନ୍ତି ସାଇବର ଲୁଟେରା । ଦେଖୁ ଦେଖୁ ଆକାଉଣ୍ଟ ଖାଲି କରିଦେଉଛନ୍ତି । ଆଉ ଏହି ସାଇବର ଲୁଟେରା ଗତ ୩ ବର୍ଷରେ ୧୨୫ କୋଟି ଲୁଟି ସାରିଲେଣି । ସୋମବାର ବିଧାନସଭାରେ ଏହି ତଥ୍ୟ ରଖିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବିଜେଡି ବିଧାୟକ ପ୍ରଶାନ୍ତ ବେହେରାଙ୍କ ପ୍ରଶ୍ନର ଉତ୍ତରରେ ମୁଖ୍ୟମନ୍ତ୍ରୀ ଏହି ସୂଚନା ଦେଇଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି ଯେ ୧୨୫ କୋଟି ଲୁଟ ହୋଇଛି । ତେବେ ମାତ୍ର ୨ କୋଟି ୫୨ ଲକ୍ଷ ଟଙ୍କା ଫେରସ୍ତ ହୋଇଛି । ଲୁଟ ନେଇ ୬୩୬୮ଟି ମାମଲା ରୁଜୁ ହୋଇଥିବାବେଳେ ୧୩୮୮ ଜଣ ଗିରଫ ହୋଇଛନ୍ତି । ଗତବର୍ଷ ୨୩୪୮ଟି ମାମଲାରେ ୫୨୨ ଜଣ ଗିରଫ ହୋଇଛନ୍ତି । ଏହାଛଡ଼ା ୨୦୨୩ରେ ୪୭ କୋଟି ୯୪ ଲକ୍ଷ ଟଙ୍କା ଲୁଟ ହୋଇଥିବା ମୁଖ୍ୟମନ୍ତ୍ରୀ ମୋହନଚରଣ ମାଝୀ ସୋମବାର ବିଧାନସଭାରେ ଉତ୍ତର ରଖିଛନ୍ତି ।
