ଆଡଭାଇଜରି ଜାରି: ଏହି ୯ଦେଶର ଏୟାରସ୍ପେଶ୍ ଦେଇ ଉଡ଼ାଣ ମନା

ନୂଆଦିଲ୍ଲୀ: ୨୧ ଦିନରେ ଥମୁନି ମଧ୍ୟପ୍ରାଚ୍ୟ ମହାଯୁଦ୍ଧ । ଯୁଦ୍ଧ ଘନଘଟା ଭିତରେ ଏୟାରଲାଇନ୍ସକୁ ପରମର୍ଶ ଦେଇଛି ଡିଜିସିଏ । ୯ଟି ଦେଶର ଏୟାରସ୍ପେଶ୍ ଦେଇ ଯାତ୍ରା ନ କରିବାକୁ ଆଡଭାଇଜରି ଜାରି କରିଛି ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ବା ଡିଜିସିଏ । ବାହାରିନ୍, ଇରାନ୍, ଇରାକ୍, ଇସ୍ରାଏଲ୍, ଜୋର୍ଡାନ, କୁଏତ, କତାର ଏବଂ ୟୁଏଇ ଏୟାରସ୍ପେଶ୍ ଦେଇ ଯାତ୍ରା ମନା । ବିଭିନ୍ନ ଏୟାରଲାଇନ୍ସକୁ ଡିଜିସିଏ ପକ୍ଷରୁ ଆଡଭାଇଜରି ଜାରି ହୋଇଛି । ଯଥା ସମ୍ଭବ ଏହି ୯ଟି ଦେଶର ଏୟାରଲାଇନ୍ସ ଦେଇ ଯାତ୍ରା ଅଣଦେଖା କରିବାକୁ କୁହାଯାଇଛି । ଆସନ୍ତା ୨୮ ତାରିଖ ଯାଏଁ ଯାତ୍ରା ନକରିବାକୁ ପରାମର୍ଶ ଦିଆଯାଇଛି । ସାଉଦି ଆରବ ଓ ଓମାନ ପାଇଁ ସର୍ତ୍ତମୂଳକ ଅନୁମତି ଦେଇଛି ଡିଜିସିଏ ।
ମଧ୍ୟପ୍ରାଚ୍ୟରେ ଇରାନ ଏବଂ ଇସ୍ରାଏଲ ମଧ୍ୟରେ ଯୁଦ୍ଧ ବୃଦ୍ଧି ପାଇବାରେ ଲାଗିଛି । ଉଭୟ ପାର୍ଶ୍ୱରୁ ଆକ୍ରମଣ କରାଯାଉଛି, ଯାହା ପରିସ୍ଥିତିକୁ ଆହୁରି ଖରାପ କରୁଛି । ଏହି ବିପଦକୁ ଦୃଷ୍ଟିରେ ରଖି, ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଏୟାରଲାଇନ୍ସକୁ ଏକ ଚେତାବନୀ ଜାରି କରିଛି । ୧୧ଟି ବିପଦପୂର୍ଣ୍ଣ ଏୟାରସ୍ପେସ୍‌କୁ ଏଡାଇବାକୁ ପରାମର୍ଶ ଦିଆଯାଇଛି। ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ( ଡିଜିସିଏ) କହିଛି ଯେ, ମଧ୍ୟପ୍ରାଚ୍ୟ ଏବଂ ପାରସ ଉପସାଗର ଉପରେ ଉଡ଼ାଣ କରିବା ବର୍ତ୍ତମାନ ଅସୁରକ୍ଷିତ । ଯାତ୍ରୀଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ଏହି ପରାମର୍ଶ ମାର୍ଚ୍ଚ ୨୮ ତାରିଖ ପର୍ୟ୍ୟନ୍ତ କାର୍ୟ୍ୟକାରୀ ହେବ ।
ଡିଜିସିଏ ଆଡଭାଇଜରୀରେ, ୧୧ ଉଚ୍ଚ ବିପଦପୂର୍ଣ୍ଣ ଏୟାରସ୍ପେସ୍‌ ବିଷୟରେ କହିଛି । ଏଥିରେ ଇରାନ, ଇସ୍ରାଏଲ, ଲେବାନନ, ସାଉଦି ଆରବ, ବାହାରିନ, ଓମାନ, ଇରାକ, ଜୋର୍ଡାନ, ୟୁଏଇ, କତାର ଏବଂ କୁୱେତ ଭଳି ପ୍ରମୁଖ ଦେଶଗୁଡ଼ିକର ଏୟାରସ୍ପେସ୍ ଅନ୍ତର୍ଭୁକ୍ତ । ଆନ୍ତର୍ଜାତୀୟ ସୁରକ୍ଷା ମାପ ଅନୁଯାୟୀ, ସାଧାରଣ ପରିସ୍ଥିତିରେ ଏହି ପ୍ରଭାବିତ ଆକାଶମାର୍ଗରେ ଉଡ଼ାଣ ନ କରିବାକୁ ସମସ୍ତ ଭାରତୀୟ ବିମାନ ସେବା ନିର୍ଦ୍ଦେଶାଳୟ ( ଡିଜିସିଏ) ନିର୍ଦ୍ଦେଶ ଦେଇଛି । ଏହି ନୂଆ ପରାମର୍ଶ ମାର୍ଚ୍ଚ ୨୮ ପର୍ୟ୍ୟନ୍ତ କାର୍ୟ୍ୟକାରୀ ହେବ, ଏହା ପରେ ଏହାକୁ ଆହୁରି ବିସ୍ତାର କିମ୍ବା ସମାପ୍ତ କରିବା ପାଇଁ ସମୀକ୍ଷା କରାଯିବ।