ଲଦ୍ଦାଖରେ ହିମସ୍ଖଳନର ଆତଙ୍କ , ୭ ମୃତ

ଲେହ : ଲଦ୍ଦାଖରେ ଜୋଜି ଲାରେ ଶ୍ରୀନଗର-ଲେହ ହାଇୱେରେ ଶୁକ୍ରବାର ଏକ ବିଶାଳ ହିମସ୍ଖଳନ ପରେ ୭ ଜଣ ଲୋକଙ୍କ ମୃତ୍ୟୁ ହୋଇଛି। ସେଠାରେ ଅନେକ ଲୋକ ଆହତ ହୋଇ ଯାଇଛନ୍ତି। ହିମସ୍ଖଳନ ଯୋଗୁଁ ଅନେକ ଗାଡ଼ି ଚାପି ହୋଇ ରହିଛନ୍ତି ଏବଂ ହାଇୱେ ମଧ୍ୟ ବନ୍ଦ ହୋଇ ଯାଇଛି। ପ୍ରଶାସନ ସୋନମର୍ଗ ଓ ଦ୍ରାସର ଜିଲ୍ଲା ପ୍ରଶାସନ, ପୁଲିସ, ସେନା, ସୀମା ସଡ଼କ ସଙ୍ଗଠନ ଓ ଏସଡିଆରଏଫକୁ ସାମିଲ କରି ଏକ ବଡ଼ ଉଦ୍ଧାର ଓ ସୁରକ୍ଷା ଅଭିଯାନର ଆରମ୍ଭ କରିଛନ୍ତି।

ଦ୍ୱିପହରରେ ପ୍ରବଳ ହିମସ୍ଖଳନ ପରେ ପାଖାପାଖି ୧୫ଟି ଗାଡ଼ି ଆଂଶିକ କିମ୍ୱା ସଂପୂର୍ଣ୍ଣ ରୂପେ ବରଫରେ ଚାପି ହୋଇ ଯାଇ ଥିଲେ।ଉଦ୍ଧାର କାର୍ଯ୍ୟ ବେଳେ ବହୁ ସଂଖ୍ୟାରେ ଲୋକେ ଏବଂ ମେସିନ୍ ରାସ୍ତା ସଫା କରୁଥିଲେ। ଏହି ସମୟରେ ଏହି କଥା ଉପରେ ଧ୍ୟାନ କରାଯାଇ ଥିଲା ଯେ, ହିମସ୍ଖଳନରେ କୌଣସି ବ୍ୟକ୍ତି ଫସି ଯାଇ ନାହାନ୍ତି ତ। କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂହ ଏକ୍ସରେ ପୋଷ୍ଟରେ ମୃତକଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି।

ପୁଲିସ କହିଛି ହିମସ୍ଖଳନ ଦ୍ୱିପହର ସମୟରେ ଦ୍ରାସର ଜୋଜିଲା ନିକଟରେ କ୍ୟାପଟେ-ଟର୍ନ ହାଇୱେରେ ଗାଡ଼ି ଗୁଡ଼ିକୁ ପ୍ରଭାବ ପକାଇ ଥିଲା। ଦ୍ରାସର ଏସଡିଏମ୍ ବିଶାଲ ଅତ୍ରି କହିଛନ୍ତି , ଏହି ଦୁଃଖଦ ଘଟଣାରେ ୭ ଜଣ ଲୋକଙ୍କ ମୃତ୍ୟୁ ଓ ୫ ଆହତ ହେବାର ସୂଚନା ରହିଛି। ଅଧିକାରୀମାନେ କହିଛନ୍ତି ମୃତକଙ୍କ ସଂଖ୍ୟା ବଢିବାର ଆଶା କରାଯାଉଛି , କାରଣ କିଛି ଗାଡ଼ି ସଂପୂର୍ଣ୍ଣ ବରଫରେ ଚାପି ହୋଇଯାଇଛି। ଏସଡିଏମ୍ ଅତ୍ରି କହିଛନ୍ତି , ଉଦ୍ଧାର କାର୍ଯ୍ୟ ହାଇୱେର ଉଭୟ ପାର୍ଶ୍ୱରେ ଚାଲିଛି।