Garvita Odia
ଗରମ ଦିନରେ ଖାଇବା ପିଇବାକୁ ନେଇ ସାବଧାନ ରହିବା ଜରୁରୀ। ସାଧାରଣତଃ ଖରା ଦିନେ ମଣିଷ ଖୁବ୍ ଶିଘ୍ର ଥକି ଯାଆନ୍ତି। ତେବେ ଏହାର କାରଣ କେବଳ ଖାଇବା ବା ପିଇବା ହୋଇନଥାଏ। ଶରୀରରେ ଭିଟାମିନ କମ ଥିଲେ ମଣିଷ ଅନେକ ସମସ୍ୟାର ସାମ୍ନା କରିଥାଏ। ଏଭଳି ସମସ୍ୟା ଦୂର କରିବା ପାଇଁ ଖାଇବା ପିଇବା ପ୍ରତି ଧ୍ୟାନ ଦେବା ଉଚିତ୍। । ସ୍ୱାସ୍ଥ୍ୟ ସୁସ୍ଥ ନରହିବାର ଆଉ ଏକ କାରଣ ହେଉଛି ଦେହର ରୋଗ ପ୍ରତିରୋଧକ ଶକ୍ତି । ଯାହା କମିଲେ ମଣିଷ ବିଭିନ୍ନ ପ୍ରକାର ରୋଗର ଶିକାର ହୋଇଥାଏ। ଏହା ଦ୍ବାରା ଶରୀରରେ ଯେକୌଣସି ରୋଗ ହୁଏ ତାହା ସହଜରେ ଭଲ ହୁଏ ନାହିଁ। ତେବେ ଜାଣନ୍ତୁ କେଉଁ ଖାଦ୍ୟ ଖାଇଲେ ଶରୀର ପାଇଁ ଲାଭଦାୟକ ହୋଇଥାଏ ଓ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ।
ଋତୁ ବଦଳିବା ଅନୁସାରେ ଫଳ ଓ ପନିପରିବାକୁ ନିଜ ଡାଏଟ୍ରେ ସାମିଲ କରିବା ଉଚିତ୍। । ପ୍ରତିଦିନ ଗଜା ଜାତୀୟ ଖାଦ୍ୟ ଖାଇବା ଶରୀର ପାଇଁ ଭଲ ହୋଇଥାଏ। ପ୍ରତିଦିନ ଟମାଟୋ ଖାଇବା ଶରୀରକୁ ସୁସ୍ଥ ରଖେ। ଏଥିରେ ଥିବା ଲାଇକୋପିନ୍ ନାମକ ଆଣ୍ଟି ଅକ୍ସିଡାଣ୍ଟ ମଣିଷକୁ ସୁସ୍ଥ ରଖେ। ଏହା ସହ ଟମାଟୋରେ ଥିବା ଭିଟାମିନ୍ କେ, ଭିଟାମିନ୍ ଡି ଏବଂ ଫାଇବର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରିଥାଏ।
କମଳା, ଲେମ୍ବୁ, ଅଁଳା ଭଳି ଖଟା ଫଳରେ ଭିଟାମିନ୍ ସି ଭରପୁର ପରିମାଣରେ ଥାଏ। ତେଣୁ ଏହିସବୁ ଖାଦ୍ୟକୁ ଖାଦ୍ୟରେ ସାମିଲ କରିବା ଆବଶ୍ୟକ। ପାଳଙ୍ଗ ସାଗରେ ଥିବା ଫ୍ଲୋରେଟ୍ ନାମକ ଏକ ତତ୍ୱ ରକ୍ତକୋଷ ନିର୍ମାଣ କରିବାରେ ସହାୟତା କରେ। ଏଥିରେ ଥିବା ଫାଇବର, ଭିଟାମିନ୍ ସି ରୋଗ ପ୍ରତିରୋଧକ ଶକ୍ତିକୁ ମଧ୍ୟ ବଢାଏ। ରସୁଣ ଖାଇବା ଶରୀର ପାଇଁ ଲାଭଦାୟକ ହୋଇଥାଏ। ରସୁଣ ଖାଇଲେ ରକ୍ତଚାପ ନିୟନ୍ତ୍ରଣ ହୋଇଥାଏ। ଏଥିରେ ଏଲିସିନ୍ ନାମକ ଏକ ତତ୍ୱ ଥାଏ, ଯାହା ଶରୀରରେ ଥିବା ବ୍ୟାକ୍ଟେରିଆ ସହ ଲଢ଼ିବାର କ୍ଷମତା ଦେଇଥାଏ।
ତେଣୁ ଖାଦ୍ୟରେ ରସୁଣକୁ ପ୍ରତିଦିନ ଖାଇଲେ ରୋଗ ପ୍ରତିରୋଧକ ଶକ୍ତି ବୃଦ୍ଧି ହେବା ସହ ପେଟରେ ଅଲସର ହେବା ଓ କ୍ୟାନସର ଭଳି ରୋଗର ଆଶଙ୍କା ମଧ୍ୟ ଦୂର ହୋଇଥାଏ। ସେହିଭଳି ବାଦାମ ଖାଇବା ବହୁତ ଭଲ କାରଣ ବାଦାମ ଖାଇଲେ ରୋଗ ପ୍ରତିରୋଧକ ଶକ୍ତି ବଢିଥାଏ। ବାଦାମରେ ଥିବା ଭିଟାମିନ୍ ଇ ପ୍ରାକୃତିକ ଭାବେ ଶରୀର ପାଇଁ ଲାଭଦାୟକ ହୋଇଥାଏ। ପ୍ରାୟତଃ ଲୋକେ ଛତୁକୁ ପରିବାରେ ଗଣନ୍ତି ନାହିଁ କିନ୍ତୁ ଏଥିରେ ଥିବା ସେଲନିୟମ୍ ନାମକ ମିନେରାଲ, ଆଣ୍ଟି ଅକ୍ସିଡାଣ୍ଟ ଗୁଣ, ଭିଟାମିନ୍ ବି, ନାଇସିନ୍ ଇତ୍ୟାଦି ଥାଏ। ଏହା ଶରୀରକୁ ରୋଗମୁକ୍ତ କରାଏ।
