କେନ୍ଦୁଝର ଜିଲ୍ଲାରେ ପାଟଣା ସାହାରପଡା ବ୍ଲକରେ ଡ଼ାଇରିଆ ଆତଙ୍କ

କେନ୍ଦୁଝର,୨୫/୦୪/୨୦୨୬:କେନ୍ଦୁଝର ଜିଲ୍ଲାରେ ପାଟଣା ସାହାରପଡା ବ୍ଲକ ବାଇକଳା ପଞ୍ଚାୟତ ଲୁଙ୍ଗା ଗ୍ରାମରେ ଅନେକ ଲୋକ ଏବେ ଡାଇରିଆ ରୋଗରେ ଆକ୍ରାନ୍ତ ହୋଇଥିବା ଜାଣିବାକୁ ମିଳିଛି। ଅତ୍ୟଧିକ ଗରମ ସମୟରେ ଦୂଷିତ ପାଣି ପିଇବା ଯୋଗୁ ଗ୍ରାମରେ ଡ଼ାଇରିଆ ବ୍ୟାପିଥିବା ଲୋକେ ଅନୁମାନ କରୁଛନ୍ତି। ଉଦୟପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଧିକାରୀ ମାନେ ଗ୍ରାମକୁ ଆସି ପରିସ୍ଥିତି ଅନୁଧ୍ୟାନ କରି ଚାଲିଯାଇଥିବା ଜାଣିବାକୁ ମିଳିଛି। ଗ୍ରାମର ସମସ୍ତ ଲୋକ ନଳକୂଅ ପାଣି ବ୍ୟବହାର କରନ୍ତି। ନଳକୂଅ ପାଣିକୁ ପରୀକ୍ଷା କରି ବ୍ଲିଚିଙ୍ଗ ପାଉଡର ପକାଇ ବାକୁ ଦାବି ହୋଇଛି।