ଦେଶରେ ସାଇବର କ୍ରାଇମ୍‌ ବର୍ଷକରେ ବଢ଼ିଛି ୧୮% , ସବୁଠାରୁ ଆଗରେ ତେଲେଙ୍ଗାନା

ନୂଆଦିଲ୍ଲୀ:ସରକାରଙ୍କ ପକ୍ଷରୁ ବ୍ୟାପକ ସଚେତନତା ସତ୍ତ୍ବେ ଦେଶରେ ସାଇବର ଅପରାଧ ବଢ଼ିଛି । ତୀୟ ଅପରାଧ ରେକର୍ଡ ବ୍ୟୁରୋ (ଏନସିଆରବି)ରିପୋର୍ଟ ଅନୁଯାୟୀ ୨୦୨୩ରେ ଦେଶରେ ୮୬,୪୨୦ଟି ସାଇବର ଅପରାଧ ଘଟିଥିବାବେଳେ ୨୦୨୪ରେ ଏହା ୧,୦୧,୯୨୮କୁ ବୃଦ୍ଧି ପାଇଥିଲା। ଏହି ସାଇବର ଅପରାଧ ମଧ୍ୟରୁ ୭୩,୯୮୭ଟି ହେଉଛି ଆର୍ଥିକ ବ୍ୟାପାର ସମ୍ପର୍କିତ। ତେଲଙ୍ଗାନାରେ ସର୍ବାଧିକ ୨୭,୨୩୦ଟି ସାଇବର ଅପରାଧ ଘଟିଥିବା ରେକର୍ଡ କରାଯାଇଛି। ଏହା ପଛକୁ କର୍ଣ୍ଣାଟକ ଓ ଉତ୍ତରପ୍ରଦେଶ ରହିଛି। ମେଟ୍ରୋପଲିଟାନ ସହରଗୁଡିକରେ ପ୍ରାୟ ୩୫,୦୦୦ ସାଇବର ଅପରାଧ ଘଟିଛି। ୨୦୨୨ରେ ଏହି ସଂଖ୍ୟା ୨୪,୦୦୦ ଓ ୨୦୨୩ରେ ୩୪,୦୦୦ ରହିଥିଲା। ଦେଶରେ ସାଇବର ଅପରାଧ ସଂଖ୍ୟା ବଢିଥିବାବେଳେ ସାମଗ୍ରୀକ ଅପରାଧ ସଂଖ୍ୟା କମିଥିବା ଏନସିଆରବି ରିପୋର୍ଟରୁ ଜଣାଯାଇଛି। ୨୦୨୩ ବର୍ଷରେ ଦେଶରେ ୬୨.୪୧ ଲକ୍ଷ ଅପରାଧ ଘଟିଥିବାବେଳେ ୨୦୨୪ରେ ଏହା ୫୮.୮୬ ଲକ୍ଷକୁ ହ୍ରାସ ପାଇଛି। ପ୍ରତି ଏକ ଲକ୍ଷ ନାଗରିକଙ୍କ ମଧ୍ୟରେ ଅପରାଧ ସଂଖ୍ୟା ୨୦୨୩ରେ ୪୪୮.୩ ରହିଥିବାବେଳେ ୨୦୨୪ରେ ଏହା ୪୧୮.୯କୁ ହ୍ରାସ ପାଇଛି।