Garvita Odiaନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ଓ ପ୍ରଶିକ୍ଷକ ରାହୁଲ ଦ୍ରାବିଡ଼ ନୂଆକରି ଆରମ୍ଭ ହେବାକୁ ଯାଉଥିବା ୟୁରୋପିଆନ୍ ଟ୍ବେଣ୍ଟି-୨୦ ପ୍ରିମିୟର୍ ଲିଗ୍ (ଇଟିପିଏଲ୍)ର ‘ଡବଲିନ୍ ଗାର୍ଡିଅନ୍ସ’ଦଳକୁ କିଣି ନେଇଛନ୍ତି। ତା’ ସହିତ ଏହି ଲିଗ୍ ୟୁରୋପରେ କ୍ରିକେଟ୍ର ବିକାଶ ଦିଗରେ ମାଇଲ୍ଖୁଣ୍ଟ ସାବ୍ୟସ୍ତ ହେବ ବୋଲି ଦୃଢ଼ ଆଶା ପୋଷଣ କରିଛନ୍ତି। ୟୁରୋପ୍ରେ ଫୁଟ୍ବଲ୍ ପ୍ରମୁଖ ଖେଳ। ଏଣୁ ସେଠାରେ କ୍ରିକେଟ୍ର ପ୍ରସାର ପାଇଁ ପର୍ୟ୍ୟନ୍ତ ସୁଯୋଗ ରହିଛି। ଏହି ଲିଗ୍ର ଏକ ଦଳର ମାଲିକ ହୋଇ ମୁଁ ଅତ୍ୟନ୍ତ ଆନନ୍ଦିତ ବୋଲି ଦ୍ରାବିଡ଼ ନିଜ ପ୍ରତିକ୍ରିୟାରେ କହିଛନ୍ତି। ବଲିଉଡ୍ ଅଭିନେତା ଅଭିଷେକ ବଚ୍ଚନ ମଧ୍ୟ ଇଟିପିଏଲ୍ର ଏକ ଦଳ କିଣିଛନ୍ତି। ଏହି ଲିଗ୍କୁ ନେଦରଲାଣ୍ଡ୍ସ, ଆୟର୍ଲାଣ୍ଡ୍ ଓ ସ୍କଟଲାଣ୍ଡ୍ କ୍ରିକେଟ୍ ବୋର୍ଡ ସମର୍ଥନ କରୁଛନ୍ତି। ସେହିଭଳି ପୂର୍ବତନ ଅଷ୍ଟ୍ରେଲୀୟ ଅଧିନାୟକ ଷ୍ଟିଭ୍ ୱ’, ଦକ୍ଷିଣ ଆଫ୍ରିକାର ବିସ୍ଫୋରକ ବ୍ୟାଟର୍ ଫାଫ୍ ଡୁ’ପ୍ଳେସିସ୍, ଜଣ୍ଟି ରୋଡସ୍, ହେନରିକ୍ କ୍ଲାସେଁ ଏବଂ ୱେଷ୍ଟଇଣ୍ଡିଜ୍ର ପୂର୍ବତନ ବିସ୍ଫୋରକ ଓପନର୍ କ୍ରିସ୍ ଗେଲ୍ ମଧ୍ୟ ଏହି ଲିଗ୍ର ଅଂଶଧନ କିଣିଛନ୍ତି କିମ୍ବା ଭିନ୍ନ ଭିନ୍ନ ଦଳର ମାଲିକ ଅଛନ୍ତି।
ଆପଣଙ୍କର ଏହିସବୁ ଅଭ୍ୟାସ ଡାକି ଆଣୁଛି ବିପଦ: ବେଳ ହୁଁ ସତର୍କ ରହି ଏଥିରୁ ନିବୃତ୍ତ ରୁହନ୍ତୁ
Garvita Odia- August 2, 2026
ଆଜିକାଲି ଅଧିକାଂଶ ଲୋକ ମାନସିକ ଦୁଶ୍ଚିନ୍ତା ରହୁଥିବାର ଦେଖାଯାଉଛି। ଫଳରେ ହୃଦରୋଗ ଭଳି ମାରାତ୍ମକ ସମସ୍ୟା ସୃଷ୍ଟି ହେଉଛି। କାରଣ ଆମର ଦୈନନ୍ଦିନ ଜୀବନ ଶୈଳୀରେ ଆମେ ଯାହା କରୁଛନ୍ତି ତାହାର ପ୍ରଭାବ ସିଧାସଳଖ ଆପଣଙ୍କ ମସ୍ତିଷ୍କ ଉପରେ ପଡ଼ୁଛି। ଆମେ…
