ଶ୍ରୀମଦ୍ ଭାଗବତ ସପ୍ତାହ ଉଦଯାପିତ

ନିମାପଡ଼ା: ନିମାପଡ଼ା ଏନଏସି ୯ ନଂ ୱାର୍ଡ ଅଣ୍ଢିଆସାହି ମା’ ଦକ୍ଷିଣେଶ୍ୱରୀଙ୍କ ପୀଠରେ ଶ୍ରୀମଦ୍ ଭାଗବତ ସପ୍ତାହ ଅନୁଷ୍ଠିତ ହୋଇଯାଇଛି । ଏହି ଧାର୍ମିକ ଉତ୍ସବକୁ ବାବାଜୀ ବୈକୁଣ୍ଠ ଦାସ ମହାରାଜ ଉଦ୍ଘାଟନ କରିଥିଲେ। ମା’ ଦକ୍ଷିଣେଶ୍ୱରୀ ବିଦ୍ୟାପୀଠର ପ୍ରଧାନ ଶିକ୍ଷକ ହରିହର ସ୍ବାଇଁ, ବରିଷ୍ଠ ନାଗରିକ ମଞ୍ଚର ସଭାପତି ବିବେକାନନ୍ଦ ପାତ୍ର, ବିଦ୍ୟାଳୟ ସଭାପତି ସନ୍ତୋଷ ଓଝା ପ୍ରମୁଖ ପ୍ରଦୀପ ପ୍ରଜ୍ଜୋଳନ କରିଥିଲେ। ଏହି ଅବସରରେ ପ୍ରବକ୍ତା ଶିବଶଙ୍କର ଦାସ ଭାଗବତ ପ୍ରବଚନ ପ୍ରଦାନ କରି ଭକ୍ତମାନଙ୍କୁ ଧର୍ମ, ନୀତି, ମାନବିକ ମୁଲ୍ୟବୋଧ ସମ୍ପର୍କରେ ଉଦ୍ବୃଦ୍ଧ କରିଥିଲେ। ତାଙ୍କର ସରଳ, ପ୍ରେରଣାଦାୟକ ବକ୍ତବ୍ୟ ଶ୍ରୋତା ମାନଙ୍କ ମନରେ ଭକ୍ତିଭାବ ଜାଗ୍ରତ କରିଥିଲା। ପ୍ରତ୍ୟେକ ଦିନ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଭଜନ, ନୃତ୍ୟ ପରିବେଷଣ କରାଯାଇଥିଲା। ଏହି ଉତ୍ସବକୁ ତର୍ପଣ ସାଇ ସଂସ୍ଥାନ ତରଫରୁ ରେଣୁବାଳା ସେନାପତିଙ୍କ ମାଧ୍ୟମରେ ଭକ୍ତିମୟୀ ମାଆ ମାନେ ସମ୍ମିଳିତ ଭାବେ ସୁପରିଚାଳନା କରିଥିଲେ। ସାତଦିନ ଧରି ଚାଲିଥିବା ଏହି ଭାଗବତ ଆଲୋଚନା ଚକ୍ରରେ ବହୁ ସଂଖ୍ୟକ ଶ୍ରଦ୍ଧାଳୁ ଓ ଭକ୍ତମାନଙ୍କ ସମାଗମ ହୋଇଥିଲା। ଧର୍ମ, ସଂସ୍କୃତି, ସଦ୍ ଭାବର ଭାଇଚାରା ମଧ୍ୟରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା।