Garvita Odia
ଆଜିକାଲି ଅଧିକାଂଶ ଲୋକ ମାନସିକ ଦୁଶ୍ଚିନ୍ତା ରହୁଥିବାର ଦେଖାଯାଉଛି। ଫଳରେ ହୃଦରୋଗ ଭଳି ମାରାତ୍ମକ ସମସ୍ୟା ସୃଷ୍ଟି ହେଉଛି। କାରଣ ଆମର ଦୈନନ୍ଦିନ ଜୀବନ ଶୈଳୀରେ ଆମେ ଯାହା କରୁଛନ୍ତି ତାହାର ପ୍ରଭାବ ସିଧାସଳଖ ଆପଣଙ୍କ ମସ୍ତିଷ୍କ ଉପରେ ପଡ଼ୁଛି। ଆମେ ଯଦି ଏହିସବୁ ଅଭ୍ୟାସ ନ କରିବା ତେବେ ଏଭଳି ସମସ୍ୟାରୁ ଦୂରେଇ ରହିପାରିବ। ଆମେ ଆଜି ଆପଣଙ୍କର କିଛି ଏମିତି ଅଭ୍ୟାସ ବିଷୟରେ ସତର୍କ କରାଇବୁ ଯାହା ଆପଣଙ୍କୁ ମାନସିକ ସ୍ତରରେ କ୍ଷତି ପହଞ୍ଚାଉଛି। ଆସନ୍ତୁ ସେଗୁଡ଼ିକୁ ଜାଣିବା।
ଫୋନ୍ ବ୍ୟବହାର କରିବା:
ଅଧିକାଂଶ ସମୟ ଫୋନ୍ ବ୍ୟବହାର କରିବାରୁ ବିରତ ରୁହନ୍ତୁ। ଅନେକ ସମୟରେ ଆମେ ବିଳମ୍ବିତ ରାତି ପର୍ୟ୍ୟନ୍ତକ ମୋବାଇଲ୍ ଫୋନ୍ କରୁ। ନିଦ ଆସିଲେ ମୁଣ୍ଡ ପାଖରେ ମୋବାଇଲ ରଖି ଶୋଇଯାଉ। କେବଳ ସେତେକି ନୁହେଁ ସକାଳୁ ବିଛଣାରୁ ଉଠିବା ମାତ୍ରେ ଆଗ ମୋବାଇଲ ଖୋଜାପଡୁଛି। ମୋବାଇଲ୍ରେ ହ୍ୱାଟ୍ସଆପ୍, ଫେସ୍ବୁକ ଓ ଅନ୍ୟାନ୍ୟା ଆଗ ଚେକ୍ ହେଉଛି। ଯଦି ଆପଣ ଏମିତି କରୁଛନ୍ତି ତେବେ ସାବଧାନ ହୋଇଯାଆନ୍ତୁ।
ଏପରି କରିବା ଦ୍ୱାରା ଆପଣ ମୋବାଇରୁ ନିର୍ଗତ ହେଉଥିବା ହାନିକାରକ ରେଡିଏସନ୍ର ପ୍ରଭାବିତ ହୋଇପାରନ୍ତି। ଏଥିରେ ମାନସିକ ଚାପ ଅଧିକ ବଢ଼ିଯିବା ଆପଣ ଚିନ୍ତାଗ୍ରସ୍ତ ହେଇଯିବେ। ତେଣୁ କେବଳ ଆବଶ୍ୟକ ସ୍ଥଳେ ହିଁ ମୋବାଇଲ୍ର ବ୍ୟବହାର କରନ୍ତୁ। ଏହା ବାଦ୍ ମୋବାଇଲକୁ ଛାତି ପକେଟ୍ରେ ନ ରଖିଲେ ଭଲ। କାରଣ ମୋବାଇଲ୍ର ଭାଇବ୍ରେସନ ହାର୍ଟ ଉପରେ କୁ ପ୍ରଭାବ ପକାଇଥାଏ।
କମ୍ ନିଦ ଶୋଇବା: ଆଜିକାଲି ଆମେ ଆଉ ୮ ଘଣ୍ଟା ଶୋଉ ନାହାନ୍ତି। କାର୍ୟ୍ୟ ବ୍ୟବସ୍ତତା ହେଉ କିମ୍ବା ଅନିଦ୍ରା କାରଣରୁ ହେଉ ଆମକୁ କମ୍ ନିଦ ହେଉଛି। ଯାହା ଖୁବ ହାନିକାରକ।କାରଣ କମ୍ ନିଦ ହେବା କେବଳ ଶାରୀରିକ ନୁହେଁ, ବରଂ ମାନସିକ ସ୍ୱାସ୍ଥ୍ୟକୁ ମଧ୍ୟ ପ୍ରଭାବିତ କରିଥାଏ। ତେଣୁ ଶରୀରକୁ ସୁସ୍ଥ ରଖିବା ପାଇଁ ଠିକ୍ ପର୍ୟ୍ୟାପ୍ତ ନିଦ ଶୋଇବା ଦରକାର।
ଅନ୍ୟ ସହ ନିଜକୁ ତୁଳନା କରିବା- ଅନ୍ୟ ସହ ନିଜର ତୁଳନା କରିବା ଏକ ଖରାପ ଅଭ୍ୟାସ। ଏମିତି କରିବା ଦ୍ୱାରା ମାନିସିକ ଅଶାନ୍ତି ସହ ବେଳେ ବେଳେ ହିଂସାଭାବ ବି ସୃଷ୍ଟି ହୋଇଥାଏ। ମନ ଅସ୍ଥିର ଲାଗିଥାଏ। ମାନସିକ ଅସନ୍ତୋଷ ସହ ଚାପ ସୃଷ୍ଟି କରିଥାଏ। ଏଣୁ ଏଭଳି କରିବା ଆଦୌ ଉଚିତ୍ ନୁହେଁ। ଯଦି ଆପଣ କିମ୍ବା ଆପଣଙ୍କ ପରିବାର ଲୋକେ ଏମିତି ଅନ୍ୟ ସହ ତୁଳନା କରୁଛନ୍ତି ତେବେ ନିଜେ ଏହା ବନ୍ଦ କରନ୍ତୁ ଓ ପରିବାରକୁ ବନ୍ଦ କରିବାକୁ କୁହନ୍ତୁ। କାରଣ କାହାର କାହା ସହିତ କେବେ ତୁଳନା ହୋଇନଥାଏ। ସବୁ ସୃଷ୍ଟିର କିଛିଟା ନୂତନତ୍ୱ ରହିଥାଏ। ତେଣୁ ତୁଳନା ସବୁଠାରୁ ଖରାପ ଅଭ୍ୟାସ।
