ଜିଲ୍ଲାସ୍ତରୀୟ ସ୍ଵାଧୀନତା ଦିବସ ପାଳିତ

ଦେବଗଡ଼:ସ୍ଥାନୀୟ ଇନ୍ଦିରା ଗାନ୍ଧୀ ଷ୍ଟାଡିୟମରେ ୮୦ ତମ ଜିଲ୍ଲାସ୍ତରୀୟ ସ୍ଵାଧୀନତା ଦିବସ ପାଳିତ ହୋଇଥିଲା।ଜିଲ୍ଲାପାଳ କବୀନ୍ଦ୍ର କୁମାର ସାହୁ ମୁଖ୍ୟଅତିଥି ଭାବେ ଯୋଗଦେଇ ଆନୁଷ୍ଠନିକ ଭାବେ ପତାକା ଉତ୍ତୋଳନ କରିବା ସହ ସମ୍ମିଳିତ ପ୍ୟାରେଡରେ ଅଭିବାଦନ ଗ୍ରହଣ କରି ଉକ୍ତ ଦିବସର ତାତ୍ପଯ୍ୟ ଓ ସ୍ୱାଧୀନତା ସଂଗ୍ରାମୀଙ୍କ ସୃତିଚାରଣ କରିଥିଲେ।ଜିଲ୍ଲାର ସାମଗ୍ରିକ ବିକାଶ ପାଇଁ ଜିଲ୍ଲାପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଥିବାବେଳେ ଜିଲ୍ଲାର ବିକାଶ ଧାରାରେ ସମସ୍ତେ ସାମିଲ ହେବା ସହ ଛାତ୍ରଛାତ୍ରୀମାନଙ୍କୁ ଦାୟିତ୍ବବାନ ନାଗରିକ ହେବା ପାଇଁ ଜିଲ୍ଲାପାଳ ଶ୍ରୀ ସାହୁ ଆହ୍ବାନ କରିଥିଲେ। ପ୍ରତ୍ୟୁଷରେ ସହରରେ ରାମଧୂନ ପରିବେଷଣ କରାଯାଇଥିବାବେଳେସମସ୍ତ ସରକାରୀ ବେସରକାରୀ କାର୍ଯ୍ୟାଳୟ,ବିଭିନ୍ନ ଶିକ୍ଷାନୁଷ୍ଠାନଗୁଡିକରେ ପତାକା ଉତ୍ତୋଳନ କରାଯାଇଥିଲା।ଫାଣ୍ଟ ଇନ କମାଣ୍ଡ କାହ୍ନୁ ଚରଣ ମାରାଣ୍ଡିଙ୍କ ନେତୃତ୍ବରେ ଆୟୋଜିତ ପ୍ୟାରେଡ଼ରେ ୩୦ ଦଳ ଅଂଶଗ୍ରହଣ କରିଥିଲେ। ସମ୍ମିଳିତ ପ୍ୟାରେଡରେ ୟୁନିଫର୍ମ ବିଭାଗରେ ଦେବଗଡ଼ କଲେଜ ଏନସିସି(ବାଳକ) ପ୍ରଥମ,ରାଜା ବାସୁଦେବ ଉଚ୍ଚ ବିଦ୍ୟାଳୟ ସ୍କାଉଟ ଦ୍ୱିତୀୟ,ସିଭିଲିଆନ ସିନିୟର୍ରେ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ପ୍ରଥମ,ଆଦର୍ଶ କଲେଜ ଦ୍ୱିତୀୟ ଓ ସିଭିଲିଆନ ଜୁନିୟରରେ ବାଲ ଭାରତୀ ଇଂଲିଶ ମିଡିୟମ ସ୍କୁଲ ପ୍ରଥମ ,ଡିଭାଇନ ପବ୍ଲିକ୍ ସ୍କୁଲ ଦ୍ୱିତୀୟ ସ୍ଥାନ ଅଧିକାର କରିଥିଲେ। ପରେ ସ୍ଵାଧୀନତା ଦିବସ ଉପଲକ୍ଷେ ପୂର୍ବରୁ ଆୟୋଜିତ ପ୍ରତିଯୋଗିତାରେ କୃତି ପ୍ରତିଯୋଗୀମାନଙ୍କୁ ପୁରସ୍କାର ବିତରଣ କରାଯାଇଥିଲା। ଏକାଡେମୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ।ଏହାପରେ ଛାତ୍ରଛାତ୍ରୀମାନଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ଏସପି କିଶୋର ଚନ୍ଦ୍ର ମୁଣ୍ଡ,ଅତିରିକ୍ତ ଜିଲ୍ଲାପାଳ ରେବେକା ବିଲୁଙ୍ଗ,ଉପଜିଲ୍ଲାପାଳ ପରିକ୍ଷିତ ସାହୁଙ୍କ ସମେତ ଜିଲ୍ଲାସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ।କାର୍ଯ୍ୟକ୍ରମକୁ ଡିଆଇପିଆରଓ ମନୋରଞ୍ଜନ ସୂତାର ପରିଚାଳନା କରିଥିଲେ।ଏହାପରେ ଦେବଗଡ ସ୍ୱତନ୍ତ୍ର ଉପ-କାରାଗାରରଅନ୍ତେବାସୀ ଏବଂ ଜିଲ୍ଲା ମୁଖ୍ୟ ଚିକିତ୍ସାଳୟରେ ରୋଗୀମାନଙ୍କୁ ଫଳ ଓ ମିଷ୍ଟାନ୍ନ ବଣ୍ଟନ କରାଯାଇଥିଲା।ଅନ୍ୟପଟେ ପୈାର ପରିଷଦ,ଜିଲ୍ଲା ଓକିଲ ସଂଘ,ଘରୋଇ ବସଷ୍ଟାଣ୍ଡ ଏବଂ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟାଳୟ ତଥା ଜିଲ୍ଲାର ବିଭିନ୍ନ ପୁରପଲ୍ଲିରେ ସ୍ୱାଧିନତା ଦିବସ ପାଳିତ ହୋଇଥିଲା।