Garvita Odia
ଦେବଗଡ଼:ବାରକୋଟ ଥାନାର କଲା ଗ୍ରାମରେ ଆଜି ଜୀବନ୍ତ ବିଦ୍ୟୁତ ସ୍ପର୍ଶରେ ଆସି ବିଦ୍ୟୁତ କର୍ମଚାରୀଙ୍କ ମୃତ୍ୟୁ ଘଟିଛି। ମୃତ କର୍ମଚାରୀ ହେଲେ ରିଆମାଳ ଥାନାର ଧରମପୁର ଗାଁର ଟୁନା ସାହୁ । ମୃତ ଟୁନା ଟିପିଡବ୍ଲୁଓଡିଏଲରେ ଠିକା ସଂସ୍ଥା ଅଧିନରେ ହେଲ୍ପର ଭାବେ କାମ କରୁଥିଲେ। ସୂଚନା ଅନୁଯାୟୀ, ଟୁନା ଆଜି ବିଦ୍ୟୁତ ମରାମତି ନିମନ୍ତେ ଖୁଣ୍ଟ ଉପରେ ଚଢି ସଜାଡୁଥିବା ବେଳେ ବିଦ୍ୟୁତ ସ୍ପର୍ଶରେ ଆସି ତଳେ ପଡିଯାଇଥିଲେ। ତାଙ୍କୁ ଉଦ୍ଧାର କରି ବମପରଡା ମେଡିକାଲରେ ଭର୍ତ୍ତି କରାଯାଇଥିଲା। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଉକ୍ତ ଘଟଣା ପରେ କ୍ଷତିପୂରଣ ଦାବିରେ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା।ଖବରପାଇ ବିଧାୟକ ରୋମାଞ୍ଚ ରଞ୍ଜନ ବିଶ୍ୱାଳ ମେଡିକାଲରେ ପହଞ୍ଚି ବିଦ୍ୟୁତ ବିଭାଗ ଅଧିକାରୀଙ୍କ ସହିତ ଆଲୋଚନା କରିଥିଲେ। ପରେ ପରିସ୍ଥିତି ଶାନ୍ତ ପଡିଥିଲା। ସୂଚନାପାଇ ବାରକୋଟ ଥାନା ପୁଲିସ ମୃତ ଦେହ ଜବତ କରି ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
