ମହିଳାଙ୍କ ସୁରକ୍ଷା ଆଇନ ସଂପର୍କିତ ପ୍ରଶିକ୍ଷଣ ଶିବିର

ଦେବଗଡ଼:ଜିଲ୍ଲା ସମାଜ ମଙ୍ଗଳ ବିଭାଗ ପକ୍ଷରୁ ଆଜି ଜିଲ୍ଲା ପରିଷଦ ସମ୍ମିଳନୀ କକ୍ଷରେ ପାରିବାରିକ ହିଂସାରୁ ମହିଳାଙ୍କ ସୁରକ୍ଷା ଆଇନ ସଂପର୍କିତ ଏକ ଦିବସୀୟ ଜିଲ୍ଲାସ୍ତରୀୟ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି।ଜିଲ୍ଲା ସମାଜ ମଙ୍ଗଳ ଅଧିକାରୀ ସୁରତି ପ୍ରଧାନଙ୍କ ତତ୍ତ୍ବାବଧାନରେ ଅନୁଷ୍ଠିତ ଶିବିରରେ ଡା.ସ୍ମିତା ମାରାଣ୍ଡି,ସହକାରୀ ଉପନିରୀକ୍ଷକ ଲକ୍ଷ୍ମୀପ୍ରିୟା ସାହୁ,ଆଇନଜୀବୀ ପ୍ରୀତିପରିମିତା ବେହେରା ,କାଉନସିଲର ଇତିଶ୍ରୀ ମିଶ୍ର,ଡିଆଇପିଆରଓ ମନୋରଞ୍ଜନ ସୂତାର ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ।ଶିବିରରେ ପ୍ରଶିକ୍ଷକ ଭାବେ ସକ୍ଷୀ କେନ୍ଦ୍ର ପ୍ରଶାସକ ଅଶ୍ଵିନୀ ଦାସ ଓ ଆଇନଜୀବୀ ପ୍ରୀତିପରିମିତା ବେହେରା ଘରୋଇ ହିଂସାର ଶିକାର ହେଉଥିବା ମହିଳାଙ୍କୁ ଆଇନଗତ ସୁରକ୍ଷା ଓ ଅଧିକାର ଉପଲବ୍ଧ ସରକାରୀ ସହାୟତା ଓ ସେବା ବ୍ୟବସ୍ଥା ସମ୍ପର୍କରେ ଅବଗତ କରାଇବା, ଆଇନର ସଠିକ୍ କାର୍ଯ୍ୟକାରିତା ପାଇଁ ଜଡିତ ଅଧିକାରୀ ଓ କର୍ମଚାରୀଙ୍କ ଦକ୍ଷତା ବୃଦ୍ଧି କରିବା ସଂପର୍କରେ ଆଲୋକପାତ କରିଥିଲେ।ଏହି କାର୍ଯ୍ୟକ୍ରମରେ ସମସ୍ତ ସିଡିପିଓ,ଏସଏଚଜି ସଦସ୍ୟା,ବିଭିନ୍ନ ସଂସ୍ଥାର କର୍ମଚାରୀ ଓ ଜିଲ୍ଲା ମହିଳା ସଶକ୍ତିକରଣ କେନ୍ଦ୍ରର କର୍ମଚାରୀ ଉପସ୍ଥିତ ଥିଲେ।ଜିଲ୍ଲା ମହିଳା ସଶକ୍ତିକରଣ କେନ୍ଦ୍ର ଜିଲ୍ଲା ସଂଯୋଜକ ସତ୍ୟବ୍ରତ ବେହେରା କାର୍ଯ୍ୟକ୍ରମକୁ ପରିଚାଳନା କରିଥିବାବେଳେ ପ୍ରୋଗ୍ରାମମ ଅଫିସର ତଥା ପ୍ରୋଟେକସନ ଅଫିସର ଜ୍ୟୋତ୍ସ୍ନା ତନ୍ତୀ ଧନ୍ୟବାଦ ଦେଇଥିଲେ।