ସାରଙ୍କ ମାଡ଼ରେ ଛାତ୍ର ମୃତ

ଭୁବନେଶ୍ୱର : ପ୍ରଧାନ ଶିକ୍ଷକଙ୍କ ମାଡରେ ଜଣେ ପଞ୍ଚମ ଶ୍ରେଣୀ ଛାତ୍ରଙ୍କର ମୃତ୍ୟୁ ଘଟିଥିବା ଅଭିଯୋଗ ହୋଇଛି । କୋରାପୁଟ ଜିଲ୍ଲା ଜୟପୁର ବ୍ଲକ ଗଡ଼ପଦର ସ୍କୁଲ ହଷ୍ଟେଲରେ ଛାତ୍ର ଗଙ୍ଗା ଜାନିଙ୍କର ମୃତ୍ୟୁ ହୋଇଥିବା ନେଇ ତାଙ୍କ ବାପା ଟିନୋ ଜାନି ଅଭିଯୋଗ କରିଛନ୍ତି । ଗଙ୍ଗାଙ୍କର ପିଠି, ଗୋଡ ଓ ଛାତିରେ ମାଡମରା ଦାଗ ରହିଥିଲା । ଜୟପୁର ସଦର ଥାନାରେ ପ୍ରଧାନଶିକ୍ଷକଙ୍କ ବିରୋଧରେ ଏତଲା ଦିଆଯାଇଛି । ଏହାକୁ ନେଇ ଉତ୍ତେଜନା ଲାଗିଥିବାବେଳେ ଲୋକେ ଜୟପୁର ସଦର ଥାନା ଘେରାଉ କରିଛନ୍ତି ।