ତିନିଦିନିଆ ଫୁଟବଲ ପ୍ରତିଯୋଗିତା ଉଦଯାପିତ

ଦେବଗଡ଼:ଦେବଗଡ଼ ଜିଲ୍ଲା ବାରକୋଟ ବ୍ଲକର ଦଣ୍ଡାସିଂହା ପଞ୍ଚାୟତର ବାଲିନାଲି ଗ୍ରାମରେ ବାପୁଜୀ କ୍ଲବ ପକ୍ଷରୁ ଚାଲିଥିବା ତିନିଦିନିଆ ଫୁଟବଲ ପ୍ରତିଯୋଗିତା ଆଜି ଉଦଯାପିତ ହୋଇଯାଇଛି।ପ୍ରତିଯୋଗିତାରେ ୧୬ଟି ଦଳ ଅଂଶଗ୍ରହଣ କରିଥିଲେ।ଫାଇନାଲ ମ୍ୟାଚରେ ପୁରୁଣାପାଣି ଦଳ ୧-୦ ଗୋଲରେ ନୂଆଗାଁ ଦଳକୁ ପରାସ୍ତ କରି ଚାମ୍ପିଅନ ହୋଇଥିଲା ମ୍ୟାଚକୁ ଆନନ୍ଦ ମିର୍ଦ୍ଧା,ପରେଶ ପ୍ରଧାନ,ଦେବାନନ୍ଦ ମିର୍ଦ୍ଧା,ଯୋଗେନ୍ଦ୍ର ପ୍ରଧାନ ପରିଚାଳନା କରିଥିଲେ। ଉଦଯାପନୀ ତଥା ପୁରସ୍କାର ବିତରଣି କାର୍ଯ୍ୟକ୍ରମରେ ବିଧାୟକ ରୋମାଞ୍ଚ ରଞ୍ଜନ ବିଶ୍ୱାଳ ମୁଖ୍ୟଅତିଥି, ହୀରାଲାଲ ସାହୁ, ଦୁଃଖବନ୍ଧୁ ସାହୁ,ଟଙ୍କଧର ପ୍ରଧାନ,ଜୟା ପ୍ରଧାନ,ରବୀନ୍ଦ୍ର ସାହୁ, ଖଗେଶ୍ୱର ସାହୁ ସମ୍ମାନିତ ଅତିଥି ଭାବେ ଯୋଗ ଦେଇ ବିଜେତା ଓ ଉପବିଜେତା ଦଳକୁ ପୁରସ୍କୃତ କରିଥିଲେ।ପ୍ରତିଯୋଗିତା ପରିଚାଳନାରେ କ୍ଲବର ସଭାପତି ତପନ ଦୀପ,ସମ୍ପାଦକ ଲିକୁନ ସାହୁଙ୍କ ସମେତ କ୍ଲବର ସମସ୍ତ ସଦସ୍ୟ ସହଯୋଗ କରିଥିଲେ।