ସେବା ସଂକଳ୍ପ ଅଭିଯାନ ପାଇଁ ସେବା ଜ୍ୟୋତି ଯାତ୍ରା

ଦେବଗଡ଼:ସେବା ସଂକଳ୍ପ ଅଭିଯାନ ପାଇଁ ୭ ତାରିଖ ଅର୍ଥାତ ବୁଧବାର ଦିନ ସକାଳେ ସେବା ଜ୍ୟୋତି ଯାତ୍ରା ଅନୁଷ୍ଠିତ ହେବ। ଉକ୍ତ ଶୋଭାଯାତ୍ରା ପୁରୁଣାଗଡ଼ସ୍ଥିତ ଓଲଟବର ଛକ ହନୁମାନ ମନ୍ଦିର ପରିସରରୁ ସେବା ଜ୍ୟୋତି ମଶାଲ ପଦ ଯାତ୍ରା ଆରମ୍ଭ ହୋଇ ଦେବଗଡ ସହର ପରିକ୍ରମା କରି ଇନ୍ଦିରାଗାନ୍ଧୀ ଷ୍ଟାଡିୟମ୍ ଠାରେ ପହଞ୍ଚି ଏକ ସାଧାରଣ ସଭା ଅନୁଷ୍ଠିତ ହେବ ବୋଲି ଆଜି ଜିଲ୍ଲାପାଳଙ୍କ କାର୍ଯ୍ୟାଳୟର ବିକାଶ ଭବନ ସମ୍ମିଳନୀ କକ୍ଷରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଜିଲ୍ଲାପାଳ କବୀନ୍ଦ୍ର କୁମାର ସାହୁ ସୂଚନା ଦେଇଛନ୍ତି। ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ଜିଲ୍ଲା କ୍ରୀଡା ଅଧିକାରୀ ହେମନ୍ତ ସିଂହ,ଜିଲ୍ଲା ସଂସ୍କୃତି ଅଧିକାରୀ ମୁକେଶ ଭୋଇ,ଡେପୁଟୀ କଲେକ୍ଟର କଳିଙ୍ଗ ଆଶିଷ ଶତପଥି,ଡିଆଇପିଆରଓ ମନୋରଞ୍ଜନ ସୂତାର ଉପସ୍ଥିତ ଥିଲେ।