Garvita Odia
ଭୁବନେଶ୍ୱର: ବାତ୍ୟା ନେଇ କେନ୍ଦ୍ର କ୍ୟାବିନେଟ ସଚିବଙ୍କ ସମୀକ୍ଷା ବୈଠକ । ‘ଅର୍ଣ୍ଣବ’କୁ ନେଇ ହୋଇଛି ସମୀକ୍ଷା ବୈଠକ । କ୍ୟାବିନେଟ ସଚିବଙ୍କ ସହିତ ବୈଠକ ପରେ ମୁଖ୍ୟ ଶାସନ ସଚିବ ଅନୁ ଗର୍ଗଙ୍କ ପ୍ରତିକ୍ରିୟା । କୋରାପୁଟ, ରାୟଗଡା, ମାଲକାନଗିରି, ଗଞ୍ଜାମ ଓ ଗଜପତି ଜିଲ୍ଲାରେ ବର୍ଷା, ପବନ ଅଧିକ ହେବ ।
ଦକ୍ଷିଣ ଓଡିଶାର ଜିଲ୍ଲା ଗୁଡିକରେ କଣ ପଦକ୍ଷେପ ନିଆଯାଇଛି ତାହା ଅବଗତ କରାଯାଇଛି । ସମୁଦ୍ର ଭିତରେ ଥିବା ମତ୍ସ୍ୟଜୀବୀ ଫେରି ଆସିଛନ୍ତି । ଦକ୍ଷିଣ ଓଡ଼ିଶାର ଏହି ଜିଲ୍ଲା ଗୁଡିକରେ ୩ ହଜାର ଗର୍ଭବତୀ ମହିଳାଙ୍କୁ ଚିହ୍ନଟ କରାଯାଇଛି ସେମାନଙ୍କୁ ମେଡିକାଲ ସ୍ଥାନାନ୍ତରିତ କରାଯିବ।ଆଶ୍ରୟସ୍ଥଳୀ ପ୍ରସ୍ତୁତ କରି ରଖାଯାଇଛି ।
ଛତିଶଗଡରେ ବର୍ଷା ହେବ। ସେମାନଙ୍କ ସହିତ ଯୋଗାଯୋଗରେ ରହିଛୁ। ସେମାନେ ପାଣି ଛାଡିଲେ ଆମେ ସେହି ଅନୁସାରେ ପଦକ୍ଷେପ ନେବୁ । ଆଜିର ବୈଠକରେ ଆନ୍ଧ୍ର, ଓଡିଶା, ପୁଡୁଚେରୀ, ତେଲେଙ୍ଗାନା ସହ ଆଲୋଚନା କରିଛନ୍ତି କ୍ୟାବିନେଟ ସଚିବ । ଆବଶ୍ୟକ ହେଲେ ଆଉ NDRF ଟିମ୍ ଦେବ କେନ୍ଦ୍ର । ‘ଅର୍ଣ୍ଣବ’ ମୁକାବିଲା ନେଇ ମୁଖ୍ୟ ସଚିବ ପ୍ରତିକ୍ରିୟା ଦେଇଛନ୍ତି ।
