ଆଣ୍ଠୁ ଯନ୍ତ୍ରଣାରୁ ମୁକ୍ତିର ଘରୋଇ ଉପଚାର

ବୟସ ବଢ଼ିବା କାରଣରୁ ହେଉଥିବା ଯନ୍ତ୍ରଣା ମଧ୍ୟରୁ ଗୋଟିଏ ଗୁରୁତର ସ୍ୱାସ୍ଥ୍ୟ ସମସ୍ୟା ହେଉଛି ଆଣ୍ଠୁ ଯନ୍ତ୍ରଣା । ଏହି ଯନ୍ତ୍ରଣା ବହୁ କାରଣରୁ ହୋଇଥାଏ । ଏହା ସାଧାରଣତଃ ପୋଷକତତ୍ତ୍ୱର ଅଭାବ, ମୋଟାପଣ ବଢ଼ିବା, ଆଣ୍ଠୁ-ଗଣ୍ଠିରୁ ଜେଲି କମିଯିବା, ଶରୀରରେ ଭିଟାମିନ୍‌-ସି, ଭିଟାମିନ୍‌-ଡି’ ଓ କ୍ୟାଲସିୟମ୍‌ ଅଭାବ ହେଲେ ଆଣ୍ଠୁ ଯନ୍ତ୍ରଣା ବା ଆର୍ଥ୍ରାଇଟିସ ଆଦି ରୋଗ ହୋଇଥାଏ । ଆଣ୍ଠୁଯନ୍ତ୍ରଣା ହେବା ମାତ୍ରେ ଆଜିକାଲି ଲୋକମାନେ ଡାକ୍ତରଙ୍କ ପାଖକୁ ଯାଇ ନାନା ଔଷଧ ଖାଉଛନ୍ତି । କିନ୍ତୁ ଏଥିରୁ ମୁକ୍ତି ପାଇବା ପାଇଁ ଆସନ୍ତୁ ଜାଣିବା କିଛି ଘରୋଇ ଉପାୟ,ଯାହା ବିଶେଷ ଫଳଦାୟୀ ଓ ପୀଡାନାଶକ ।
ହଳଦୀ କ୍ଷୀର: ଆଣ୍ଠୁ ଯନ୍ତ୍ରଣାରୁ ମୁକ୍ତି ପାଇବା ପାଇଁ ଆପଣ ୧ ଗ୍ଲାସ୍‌ କ୍ଷୀରରେ ଅଧା ଚାମଚ ହଳଦୀ ପାଉଡର ପକାଇ ରାତିରେ ଶୋଇବା ପୂର୍ବରୁ ପିଅନ୍ତୁ। ଏହି ଉପାୟ ବିଶେଷ ଫଳପ୍ରଦ ।
ଏଲୋଭେରା: ଆପଣ ଏଲୋଭେରା ରସକୁ ବାହାର କରି ଏଥିରେ ୧ ଚାମଚ ହଳଦୀ ପାଉଡର ମିକ୍ସ କରି ଏହାକୁ ଗରମ କରି ଦିଅନ୍ତୁ । ନଖ ଉଷୁମ୍‌ ଥିବା ଏହି ପେଷ୍ଟକୁ ଯନ୍ତ୍ରଣା ସ୍ଥାନରେ ମାଲିସ କରନ୍ତୁ । ଆରାମ ମିଳିବ ।
ମହୁ, ଘିଅ ଓ ତ୍ରିଫଳା: ମହୁ ସହିତ ତ୍ରିଫଳା ପାଉଡର ସେବନ କରନ୍ତୁ ଏହା ଦ୍ୱାରା ଯନ୍ତ୍ରଣାରୁ ମୁକ୍ତି ମିଳିବ । ଅଧା ଚାମଚ ତ୍ରିଫଳା ପାଉଡରରେ ୧ ଚାମଚ ମହୁ ଅଧାଚାମଚ ଦେଶୀ ଘିଅ ମିଶାଇ ପ୍ରତିଦିନ ସକାଳୁ ଏହାକୁ ସେବନ କରିବାଦ୍ୱାରା ଆଣ୍ଠୁ ଯନ୍ତ୍ରଣାରୁ ମୁକ୍ତି ମିଳିଥାଏ ।
ମେଥି:ଆଣ୍ଠୁ ଯନ୍ତ୍ରଣାରୁ ମୁକ୍ତି ପାଇବା ପାଇଁ ମେଥି ବିଶେଷ ଉପଯୋଗୀ। ଅଧା ଚାମଚ ମେଥ୍‌ ପାଉଡର ସକାଳ ଓ ସନ୍ଧ୍ୟା ଜଳଖିଆ ପରେ ଖାଆନ୍ତୁ । ସକାଳୁ ଖାଲିପେଟରେ ମେଥି ଅଳ୍ପ ଚୋବାଇ ଖାଇ ପାଣି ପିଇଲେ ଏହା ଖୁବ୍‌ ଉପକାରୀ।
ତୁଳସୀ ରସ:୧ ଚାମଚ ତୁଳସୀ ରସକୁ ଗରମ ପାଣିରେ ମିଶାଇ ପିଅନ୍ତୁ । ପ୍ରତିଦିନ ଏହି ପାଣି ସେବନ କରିବା ଦ୍ୱାରା ଆପଣଙ୍କୁ ଯନ୍ତ୍ରଣାରୁ ମୁକ୍ତି ମିଳିଥାଏ ।
ଅଦା:ଯନ୍ତ୍ରଣା ଦୂର କରିବା ପାଇଁ ଅଦା ବିଶେଷ ଫଳଦାୟୀ । ଥଣ୍ଡାରୁ ମୁକ୍ତି ପାଇବା ପାଇଁ ଅଦା ଚା’ ପିଅନ୍ତୁ । ନଚେତ ଅଦା ରସକୁ ମହୁ ସହିତ ମିଶାଇ ସେବନ କରନ୍ତୁ । କେବଳ ଆଣ୍ଠୁ ଯନ୍ତ୍ରଣା ନୁହେଁ, ଥଣ୍ଡା, କାଶ ଓ ଶ୍ୱାସ ରୋଗରୁ ମଧ୍ୟ ମୁକ୍ତି ଦେଇଥାଏ ।