ଓଟର ଲୁହରୁ ଔଷଧ

ଆଖିର ଲୁହରେ ବି ଔଷଧ ତିଆରି ହୋଇପାରେ । ଏଭଳି ଏକ ବିଶେଷତ୍ୱଥିବା ଜୀବଟିଏ ହେଉଛି ଓଟ । ଗବେଷଣାରୁ ଜଣାପଡ଼ିଛି କି ଓଟର ଲୁହରେ ଯେଉଁ ରାସାୟନିକ ପଦାର୍ଥ ରହିଛି ତାହା ସାପ ବିଷକୁ ନଷ୍ଟ କରିବା ପାଇଁ ସକ୍ଷମ । ଦୁବାଇର ସେଣ୍ଟ୍ରାଲ ଭେଟେରିନାରି ରିସର୍ଚ୍ଚ ଲାବରେଟୋରି (ସିଭିଆରଏଲ୍‌)ର ଏକ ଗବେଷଣାରୁ ଏହା ଜଣାପଡ଼ିଛି କି ଓଟ ଲୁହରେ ଲାଇସୋଜାଇମ୍ସ ନାମକ ରାସାୟନିକ ପଦାର୍ଥ ରହିଛି, ଯାହା ସାପ ବିଷକୁ ପ୍ରଭାବହୀନ କରିବାରେ ସାହାଯ୍ୟ କରିବ । ଏଥିନେଇ କିଛି ବର୍ଷ ତଳୁ ବୈଜ୍ଞାନିକମାନେ ଗବେଷଣା ଆରମ୍ଭ କରିଥିଲେ । ଅବଶ୍ୟ କିଛିଦିନର ପରୀକ୍ଷଣ ସେମାନେ ଏହି ତଥ୍ୟ ଜାଣିବାକୁ ସକ୍ଷମ ହୋଇଥିଲେ ଏବଂ ଏବେ ଏହାକୁ ନେଇ ଔଷଧ ପ୍ରସ୍ତୁତି ପ୍ରକ୍ରିୟା ଆରମ୍ଭ ହୋଇଛି । ସାପ ବିଷକୁ ନଷ୍ଟ କରିବା ପାଇଁ ପ୍ରସ୍ତୁତ ହେଉଥିବା ଔଷଧ ବ୍ୟତୀତ ଏହି ଲୁହକୁ ବ୍ୟବହାର କରି ବିଭିନ୍ନ ପ୍ରକାରର ଇନଫେକ୍‌ସନରୁ ମଧ୍ୟ ରକ୍ଷା ପାଇହେବ । ଏଥିସହ ଗବେଷଣାରୁ ଜଣାପଡ଼ିଛି, ଏଥିରେ ବିଭିନ୍ନ ପ୍ରକାରର ପ୍ରୋଟିନ୍‌ ରହିଛି । ତେଣୁ ଏହାର ବ୍ୟବହାର କରି ଆଖିର ଚିକିତ୍ସା ବି କରିହେବ । ଆଉ ଓଟ କ୍ଷୀର ବି ବେଶ ଉପାଦେୟ । ଆଗାମୀ ଦିନରେ ଏହାର ଲୁହରୁ ପ୍ରସ୍ତୁତ ହେବ ଔଷଧ