Garvita Odia
ଭୁବନେଶ୍ବର: ଦୁଇ ଦିନର ବିରତି ପରେ ଆଜି ପୁଣି ସରଗରମ ହୋଇଛି ବିଧାନସଭା ବଜେଟ ଅଧିବେଶନର ଦ୍ୱିତୀୟ ପର୍ୟ୍ୟାୟ । ଶୋକ ପ୍ରସ୍ତାବ ପରେ ଗୃହରେ ବିରୋଧୀଙ୍କ ହଟ୍ଟଗୋଳ ଦେଖିବାକୁ ମିଳିଥିଲା । ଏହାରି ମଧ୍ୟରେ ବିଧାୟକ ଟଙ୍କଧର ତ୍ରିପାଠୀଙ୍କ ପ୍ରଶ୍ନରେ ଗୃହରେ ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ।
ବିଧାୟକ ଟଙ୍କଧରଙ୍କ ପ୍ରଶ୍ନରେ ମୁଖ୍ୟମନ୍ତ୍ରୀ କହିଛନନ୍ତି ଯେ, ଗତ ୧୦ ବର୍ଷରେ ପାନ ମସଲା, ଗୁଟଖା ଏବଂ ତମାଖୁରୁ ୬୫୯୫.୫୫ କୋଟି ଟଙ୍କାର ଟିକସ ପାଇଛି ରାଜ୍ୟ। କ୍ରମାଗତ ଭାବେ ବାର୍ଷିକ ଗୁଟଖା ଏବଂ ତମାଖୁରୁ ଟିକସ ବଢୁଛି। କେବଳ ୨୦୨୪-୨୫ ରେ ଏକ ହଜାର ୪୭ କୋଟି ଟଙ୍କା ଆଦାୟ ହୋଇଛି। ବାହାର ୧୬ ରାଜ୍ୟରୁ ଓଡିଶାକୁ ପାନ, ଗୁଟଖା ଏବଂ ତମାଖୁ ଆସୁଛି।
