ପିଏମ ସୂର୍ଯ୍ୟଘର: ଏବେ ସୁଦ୍ଧା ୯୩,୩୬୭ ପଞ୍ଜିକୃତ

ଭୁବନେଶ୍ୱର:ପିଏମ ସୂର୍ଯ୍ୟଘର ଅର୍ଥାତ ପ୍ରଧାନମନ୍ତ୍ରୀ ସୂର୍ଯ୍ୟଘର ଯୋଜନା ପାଇଁ ରାଜ୍ୟରେ ଲୋକମାନଙ୍କର ଆଗ୍ରହ ବଢ଼ୁଛି । ଏହି ଯୋଜନାରେ ସାମିଲ ହେବା ପାଇଁ ବର୍ତ୍ତମାନ ସୁଦ୍ଧା ୯୩,୩୬୭ଜଣ ପଞ୍ଜିକରଣ କରିଛନ୍ତି । ଭଦ୍ରକରେ ସର୍ବାଧିକ ୧୭,୧୬୭ ଓ ଗଞ୍ଜାମରେ ୧୪,୧୮୯ ଜଣ ପଞ୍ଜିକରଣ କରିଛନ୍ତି । ଆଜି ବିଧାନସଭାରେ ଏହି ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ କେଭି ସିଂହଦେଓ । ଉପ-ମୁଖ୍ୟମନ୍ତ୍ରୀଙ୍କ କହିବା ମୁତାବକ, ପ୍ରଧାନମନ୍ତ୍ରୀ ସୂର୍ୟ୍ୟଘର; ମାଗଣା ବିଜୁଳି ଯୋଜନାରେ ଅଧିକରୁ ଅଧିକ ଲୋକଙ୍କୁ ସାମିଲ କରିବା ପାଇଁ ବିଭିନ୍ନ ସଚେତନତା କାର୍ୟ୍ୟକ୍ରମ କରାଯାଉଛି । ଏହାସହ ସବସିଡି ପାଇବା ପାଇଁ ପ୍ରକ୍ରିୟାକୁ ଶତ ପ୍ରତିଶତ ଅନଲାଇନ କରାଯାଇଛି ।
ତାଙ୍କ ସୂଚନା ଅନୁଯାୟୀ ଏହି ଯୋଜନାରେ ୨୭୪୦ଜଣ ହିତାଧିକାରୀ ସୁବିଧା ପାଇଛନ୍ତି । ଏଥିପାଇଁ ରାଜ୍ୟ ସରକାର ୧୦୦ କୋଟି ବ୍ୟୟବରାଦ କରିଛନ୍ତି ବୋଲି ଶ୍ରୀ ସିଂହଦେଓ କହିଛନ୍ତି ।