ଆଜି ଆନନ୍ଦପୁର ଯିବେ ମୁଖ୍ୟମନ୍ତ୍ରୀ

ଆନନ୍ଦପୁର: ଆଜି ଆନନ୍ଦପୁର ଯିବେ ମୁଖ୍ୟମନ୍ତ୍ରୀ ମୋହନ ସରକାରଙ୍କ ଦୀର୍ଘ ୯ ମାସ ଶାସନ କାଳରେ କେନ୍ଦୁଝର ଜିଲ୍ଲାର ଆନନ୍ଦପୁର ଉପଖଣ୍ଡକୁ ଏହା ତାଙ୍କର ପ୍ରଥମ ଗସ୍ତ । ଆନନ୍ଦପୁର ମହାବିଦ୍ୟାଳୟର ବାର୍ଷିକ ଉତ୍ସବରେ ମୁଖ୍ୟମନ୍ତ୍ରୀ ମୁଖ୍ୟ ଅତିଥି ଭାବେ ଯୋଗଦେବେ ।
ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ଆନନ୍ଦପୁର ଷ୍ଟାଡିୟମ୍‌ ପରିସରରେ ହେଲିପ୍ୟାଡର ବ୍ୟବସ୍ଥା ଗ୍ରହଣ କରାଯାଇଛି । ଷ୍ଟାଡିୟମରେ ଅବତରଣ କରିବା ପରେ ତାଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜ୍ଞାପନ ପୂର୍ବକ ମହାବିଦ୍ୟାଳୟକୁ ପାଛୋଟି ନେବାର କାର୍ୟ୍ୟକ୍ରମ ରହିଛି । ସେଠାରେ ଛାତ୍ରଛାତ୍ରୀଙ୍କ ଉଦ୍ଦେଶ୍ୟର ନିଜର ଅଭିଭାଷଣ ପ୍ରଦାନ କିରବା ପରେ ଆନନ୍ଦପୁରରେ ହୋଇଥିବା କେତେକ ନିର୍ମାଣ କାର୍ୟ୍ୟର ଶୁଭଉଦ୍‌ଘାଟନ କିରିବାର କାର୍ୟ୍ୟକ୍ରମ ରହିଛି ।

ଆନନ୍ଦପୁର ବ୍ଲକ ଶିକ୍ଷାଧିକାରୀଙ୍କ କାର୍ୟ୍ୟାଳୟର ଏକ ନୂତନ ଗୃହ ମୁଖ୍ୟମନ୍ତ୍ରୀଙ୍କ ଦ୍ୱାରା ଭର୍ଚ୍ଚୁଆଲି ଉଦ୍‌ଘାଟିତ ହେବାର କାର୍ୟ୍ୟକ୍ରମ ରହିଛି । ଏହା ସହିତ ବିଏନ୍‌ ହାଇସ୍କୁଲ ନିକଟରେ ନବନିର୍ମିତ ବ୍ଲକସ୍ତରୀୟ ଲାଇବ୍ରେରୀ, ମହାବିଦ୍ୟାଳୟର ଟିଆରଡବ୍ଲ୍ୟୁ ଛାତ୍ରାବାସ ଆଦି ମୁଖ୍ୟମନ୍ତ୍ରୀଙ୍କ ଦ୍ୱାରା ଉଦଘାଟିତ ହେବାର କାର୍ୟ୍ୟକ୍ରମ ରହିଛି । ଏପରିକି ସର୍ବପୁରାତନ ଶିକ୍ଷାନୁଷ୍ଠାନ ବିଏନ୍‌ ହାଇସ୍କୁଲର ନୂତନ ଛାତ୍ରାବାସର ଶିଳାନ୍ୟାସ ପର୍ବ ହେବାର କାର୍ୟ୍ୟକ୍ରମ ରହିଛି । ଆନନ୍ଦପୁର ମହାବିଦ୍ୟାଳୟ ଖେଳପଡିଆରେ ସମସ୍ତ ପ୍ରସ୍ତୁତି ଶେଷ ପର୍ୟ୍ୟାୟରେ ପହଞ୍ଚିଛି । ଆନନ୍ଦପୁର ପ୍ରଶାସନିକ ସ୍ତରରେ ସମସ୍ତ ବିଧି ବ୍ୟବସ୍ଥା ଉପରେ ନଜର ରଖାଯାଇଥିବାବେଳେ ଚମ୍ପୁଆ ଉପଜିଲ୍ଲାପାଳ ଉମାକାନ୍ତ ପରିଡାଙ୍କୁ ସ୍ୱତନ୍ତ୍ର ଦାୟିତ୍ୱରେ ରହିଛନ୍ତି ।