ଆଶୀର୍ବାଦ ଦୀପ କାର୍ଯ୍ୟକ୍ରମ

ସେବା ସଂକଳ୍ପ ଅଭିଯାନ ୨୦୨୬ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ଜନ୍ମ ଦିବସ ଅବସରରେ ପିଏମଶ୍ରୀ ଅପୂର୍ବ ସରକାରୀ ଉଚ୍ଚ ବିଦ୍ୟାଳୟ ସୁଗୁଡା ପକ୍ଷରୁ ସ୍ଥାନୀୟ ରମ୍ଭାଦେବୀ ମନ୍ଦିର ପରିସରରେ ଆଶ୍ରିର୍ବାଦ ଦୀପ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି। ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଦମୟନ୍ତୀ ବେହେରାଙ୍କ ପ୍ରତ୍ୟକ୍ଷ ତତ୍ତ୍ୱବଧାନରେ ଅବସରପ୍ରାପ୍ତ ଜ଼ିଲ୍ଲା ଶାରୀରିକ ଶିକ୍ଷା ନିରୀକ୍ଷକ ପଦ୍ମ ଲୋଚନ ପ୍ରଧାନ, ଅଜୟ କୁମାର ପ୍ରଧାନ, ସୁଗୁଡା ସି. ଆର ସି. ସି. ପ୍ରାଣବନ୍ଧୁ ଘଡ଼େଇଙ୍କ ସମେତ ସ୍ଥାନୀୟ ବିଦ୍ୟାଳୟ ସମସ୍ତ ଶିକ୍ଷକ ଶିକ୍ଷୟିତ୍ରୀ, ଛାତ୍ର ଛାତ୍ରୀ ଉପସ୍ଥିତ ରହି ମା ରମ୍ଭାଦେବୀଙ୍କ ନିକଟରେ ଦୀପ ଜାଳି ଆଶୀର୍ବାଦ ଭିକ୍ଷା କରିଥିଲେ। ପ୍ରଥମେ ବିଦ୍ୟାଳୟ ଠାରୁ ଏକ ସଚେତନତା ରାଲି ମାଧ୍ୟମରେ ଶିକ୍ଷକ ଶିଷୟିତ୍ରୀ,ଛାତ୍ର ଛାତ୍ରୀ ମାନେ ମନ୍ଦିର ନିକଟରେ ପହଞ୍ଚିଥିଲେ ଏବଂ ପରିବାର ସମ୍ପର୍କ ମାଧ୍ୟମରେ ପ୍ରତି ପରିବାର ସନ୍ଧ୍ୟାରେ ଦୀପ ଜଳାଇବା ନିମନ୍ତେ ବୁଝାଇଥିଲେ। କାର୍ଯ୍ୟକ୍ରମ ପରିଚାଳନାରେ କେ. ଅନିଲ କୁମାର, ଆଗ୍ନେସିୟମ ଟେଟେ,ମନୋଜ କୁମାର ବେହେରା, ପରମେଶ୍ୱର ସିଂ, ସୂର୍ଯ୍ୟକାନ୍ତ ମହନ୍ତ, ବନିତା ପ୍ରଧାନ, ରଶ୍ମିତା ପ୍ରଧାନ, ସୁନନ୍ଦା ପାତ୍ର, ସାଫଲ୍ୟ ଆଚାର୍ଯ୍ୟ ଙ୍କ ସମେତ ପରିଚାଳନା ସମିତି ର ସଭ୍ୟ ସଭ୍ୟା ମାନେ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ।