Garvita Odia
ଭୁବନେଶ୍ୱର: ସରକାରୀ ବିଦ୍ୟାଳୟରେ ଶିଶୁ ବାଟିକାରୁ ତୃତୀୟ ଶ୍ରେଣୀ ପର୍ଯ୍ୟନ୍ତ ପଢୁଥିବା ପିଲାମାନଙ୍କୁ ମାଗଣାରେ ନୂଆ ସ୍କୁଲ୍ ବ୍ୟାଗ୍ ପ୍ରଦାନ କରାଯିବ। ଏନେଇ ଓଡ଼ିଶା ସ୍କୁଲ୍ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ ପକ୍ଷରୁ ଜିଲ୍ଲା ଶିକ୍ଷା ଅଧିକାରୀ ଏବଂ ଜିଲ୍ଲା ପ୍ରକଳ୍ପ ସଂଯୋଜକ ମାନଙ୍କୁ ଚିଠି ଜାରି କରାଯାଇଛି। ନୂଆ ଶିକ୍ଷାବର୍ଷରେ ଛାତ୍ରଛାତ୍ରୀଙ୍କୁ ଆବଶ୍ୟକ ଶିକ୍ଷା ସାମଗ୍ରୀ ସହାୟତା ଯୋଗାଇବା ଉଦ୍ଦେଶ୍ୟରେ ଏହି ପଦକ୍ଷେପ ନିଆଯାଇଛି।
ସମସ୍ତ ସରକାରୀ ସ୍କୁଲର ଶିଶୁ ବାଟିକାରୁ କ୍ଳାସ ତିନି ପର୍ଯ୍ୟନ୍ତ ପିଲା ଓଏସ ଆଣ୍ଡ ଏମଇ ଓ ଏସଏସଡି ବିଭାଗ ଅଧୀନରେ ଥିବା ସଂସ୍ଥା ସ୍କୁଲର ଛାତ୍ରଛାତ୍ରୀଙ୍କୁ ଏହି ମାଗଣା ସ୍କୁଲ ବ୍ୟାଗ ଯୋଗାଇ ଦିଆଯିବ ।ଓଡ଼ିଶା କ୍ଷୁଦ୍ର ଶିଳ୍ପ ନିଗମ ସମସ୍ତ ବ୍ଲକ୍ ପଏଣ୍ଟରେ ଏହି ବ୍ୟାଗ୍ ପହଞ୍ଚାଇବ। ସେଠାରୁ ସ୍କୁଲ୍ ଗୁଡ଼ିକୁ ବିତରଣ କରାଯିବ ।ପ୍ରଥମତଃ ଶିଶୁ ବାଟିକାରୁ ପ୍ରଥମ ଶ୍ରେଣୀ ପିଲାଙ୍କ ପାଇଁ ଛୋଟ ସାଇଜର ବ୍ୟାଗ ମିଳିବ । ହେଲେ ଦ୍ୱିତୀୟ ଓ ତୃତୀୟ ଶ୍ରେଣୀର ପିଲାଙ୍କ ପାଇଁ ବଡ଼ ସାଇଜର ବ୍ୟାଗ ମିିିଳିବ ବୋଲି ଚିଠିରେ ସ୍ପଷ୍ଟ କରାଯାଇଛି ।ବ୍ଲକ୍ ପଏଣ୍ଟରୁ ସାମଗ୍ରୀ ଠିକ୍ ଭାବେ ବୁଝି, ଯୋଜନା ଅନୁସାରେ ଓ ଠିକ ସମୟରେ ସ୍କୁଲମାନଙ୍କୁ ବ୍ୟାଗ ବିତରଣ କରାଯିବ । କିଛି ତ୍ରୁଟି ଥିଲେ ତୁରନ୍ତ ଅଫିସକୁ ଜଣାଇବାକୁ ନିର୍ଦ୍ଦେଶ ଦିଆଯାଇଛି । ରାଜ୍ୟରେ ପ୍ରାୟ 5 ଲକ୍ଷରୁ ଅଧିକ ଛୋଟ ଛୋଟ ପିଲାଙ୍କୁ ଏହି ଉତ୍ସବରେ ସାମିଲ କରାଯାଇଛି ।
