ଜନ ଭାଗିଦାରୀ ଅଭିଯାନର ସଚେତନତା କାର୍ଯ୍ୟକ୍ରମ

ଦେବଗଡ଼,୧୯ /୦୫/୨୦୨୬:ଜିଲ୍ଲାପ୍ରଶାସନ ପକ୍ଷରୁ ଜନ ଭାଗିଦାରୀ-ସବୁଠାରୁ ଦୂର,ସବୁଠାରୁ ପ୍ରଥମେ ଅଭିଯାନର ସଚେତନତା କାର୍ୟ୍ୟକ୍ରମ ଜ଼ିଲ୍ଲାର ତିନୋଟି ବ୍ଲକ ରେ ଦ୍ଵିତୀୟ ଦିବସ ରେ ବିଭିନ୍ନ ପଞ୍ଚାୟତ ରେ ଅନୁଷ୍ଠିତ ହୋଇଯାଇଅଛି । ଏହି କ୍ରମରେ ଆଜି ବାରକୋଟ ବ୍ଲକର ଶରଣପୁର,କାଳିଆପାଳ,ବୁଢ଼ାଭୂଇଁ,ବମପରଡା,କଲାଡୁ,ବାଇଧରନଗର,ପୁରୁଣାପାଣି,ଗୋଳାବନ୍ଧ,କାଲକାଠ ଗ୍ରାମର କଟେଇ ସାହି, ଖୁଣ୍ଟାଡିହି,ଟାଇଁସିରା,ତିଲେଇବଣି ବ୍ଲକର ଡିମିରିକୁଦା,ଦୁଧିଆନାଳି,ଝରାଗ‌ୋଗୁଆ,ଝାରମୁଣ୍ଡା,କଂସର,ଲଇମୁରା,ପାଳକୁଦର,ରିଆମାଳ ବ୍ଲକର ସିଆରିଆ,ରତାଖଣ୍ଡି, କାଇଁସର ଗ୍ରାମରେ ଏହି କାର୍ୟ୍ୟକ୍ରମ ମାଧ୍ୟମରେ ସରକାରୀ କଲ୍ୟାଣମୂଳକ ଯୋଜନା, ସ୍ୱାସ୍ଥ୍ୟ ଓ ପୋଷଣ, ଶିକ୍ଷା, ସାମାଜିକ ସୁରକ୍ଷା, ଜୀବିକା ବିକାଶ ଏବଂ ବିଭିନ୍ନ ଅଧିକାରଭିତ୍ତିକ ସୁବିଧା ସମ୍ପର୍କରେ ସଚେତନତା ସୃଷ୍ଟି କରାଯାଇଥିଲା। ଗ୍ରାମବାସୀଙ୍କ ସହ ସିଧାସଳଖ ଆଲୋଚନା, ସମସ୍ୟା ଶୁଣାଣି ଏବଂ ସରକାରୀ ସେବାରେ ପହଞ୍ଚି ସୁନିଶ୍ଚିତ କରିବା ଉପରେ ବିଶେଷ ଗୁରୁତ୍ୱ ଦିଆଯାଇଥିଲା।ଜିଲ୍ଲା ପ୍ରଶାସନ ଦୁର୍ଗମ ଅଞ୍ଚଳର ଜନସାଧାରଣଙ୍କୁ ସଶକ୍ତ କରିବା ସହ ସରକାରୀ ଯୋଜନାର ସୁଫଳ ପ୍ରତ୍ୟେକ ଯୋଗ୍ୟ ହିତାଧିକାରୀଙ୍କ ନିକଟରେ ପହଞ୍ଚାଇବା ହେଉଛି କାର୍ୟ୍ୟକ୍ରମର ମୂଳ ଲକ୍ଷ୍ୟ।କାର୍ୟ୍ୟକ୍ରମରେ ବ୍ଲକର ଅଧିକାରୀ ଓ ବିଭିନ୍ନ ଲାଇନ୍ ଡିପାର୍ଟମେଣ୍ଟ ଅଧିକାରୀମାନେ ଉପସ୍ଥିତ ଥିଲେ।