Garvita Odia
ଯାଜପୁର : ଟ୍ରାକ୍ଟର ଓଲଟି ୨ ଭଉଣୀ ମୃତ, ଡ୍ରାଇଭର୍ ଗୁରୁତର । ଯାଜପୁର ରୋଡ୍ ଥାନା ଯୋଡ଼ାବର ନିକଟ ଗଣ୍ଡା ନାଳରେ ଏକ ଟ୍ରାକ୍ଟର ଓଲଟି ପଡିଛି। ମୃତକ ଯୋଡ଼ାବର ରମ୍ପାସ ଗାଁ ମାଝୀ ସାହିର ଦୁଇ ଭଉଣୀ ବୋଲି ଜଣାପଡ଼ିଛି। ଦୁଇ ଭଉଣୀଙ୍କ ବୟସ ଯଥାକ୍ରମେ ୧୪ ଓ ୧୧ ବର୍ଷ ବୋଲି ସୂଚନା ମିଳିଛି।
ସୂଚନାନୁଯାୟୀ, ଧାନ ଅମଳ ମେସିନ୍ ନେଇ ଯାଉଥିବା ବେଳେ ଯୋଡ଼ାବର ନିକଟ ଗଣ୍ଡା ନାଳରେ ଏକ ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡିଛି। ଏହି ଦୁର୍ଘଟଣାରେ ୨ ଭଉଣୀଙ୍କ ମୃତ୍ୟୁ ହୋଇଥିବା ବେଳେ ଟ୍ରାକ୍ଟର ଡ୍ରାଇଭର୍ ଗୁରୁତର ହୋଇଛନ୍ତି। ଘଟଣାସ୍ଥଳରେ ଯାଜପୁର ରୋଡ ପୋଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି।
