Garvita Odia
ଭୁବନେଶ୍ଵର : ଓଡ଼ିଶାର ୪ ରାଜ୍ୟସଭା ଆସନ ପାଇଁ ହେବ ନିର୍ବାଚନ। ମଇଦାନରେ ଅଛନ୍ତି ୫ ଯୋଦ୍ଧା। ମନମୋହନ, ସୁଜିତ, ସଂତୃପ୍ତ, ଦତ୍ତେଶ୍ଵର ଏବଂ ଦିଲ୍ଲୀପଙ୍କ ପ୍ରାର୍ଥିପତ୍ର କାଏମ। ଚତୁର୍ଥ ଆସନରେ ହେବ ରୋଚକ ଲଢେଇ। ବିଜେଡି ଓ କଂଗ୍ରେସର କମନ୍ କ୍ୟାଣ୍ଡିଡେଟ୍ ଦତ୍ତେଶ୍ଵର ହୋତା ଏବଂ ବିଜେପି ସମର୍ଥିତ ସ୍ଵାଧୀନ ପ୍ରାର୍ଥୀ ଦିଲ୍ଲୀପ ରାୟଙ୍କ ମଧ୍ୟରେ ଫାଇଟ୍। ତେବେ ରାଜ୍ୟସଭା ଭୋଟ୍ ପୂର୍ବରୁ ଦିଲ୍ଲୀପଙ୍କ ବିଜୟ ନିଶ୍ଚିତ ବୋଲି କହିଛନ୍ତି ମନ୍ତ୍ରୀ ଗୋକୁଳାନନ୍ଦ ମଲ୍ଲିକ।
ଗୋକୁଳାନନ୍ଦ କହିଛନ୍ତି ଯେ, ରାଜନୀତି ଏକ ଗହନ ବିଷୟ। ଦିଲ୍ଲୀପ ରାୟଙ୍କ ସବୁ ଦଳ ସହିତ ବହୁତ ଭଲ ସମ୍ପର୍କ ରହିଛି। ସବୁ ଦଳ ଲୋକ ତାଙ୍କୁ ଭଲ ପାଉଛନ୍ତି। ଏହାକୁ ଦେଖିଲେ ଦିଲ୍ଲୀପ ରାୟ ନିଶ୍ଚୟ ବିଜୟ ଲାଭ କରିବେ। ଦିଲ୍ଲୀପ ରାୟ ଜଣେ ଜଣାଶୁଣା ବ୍ୟକ୍ତିତ୍ୱ। ତାଙ୍କର ରାଜନୈତିକ ଅଭିଜ୍ଞତା ରହିଛି। ୨୦୦୨ରେ ଦିଲ୍ଲୀପ ରାୟ କେମିତି ରାଜ୍ୟସଭା ଯାଇଥିଲେ, ସେ ସୂତ୍ର ତାଙ୍କୁ ଭଲ ଭାବେ ଜଣା। ରାଜ୍ୟସଭା ବିଜୟ ସୂତ୍ରରେ ଯିଏ ପାରଙ୍ଗମ ସିଏ ଆଗକୁ ଯିବ।
